Newborn baby | అప్పుడే పుట్టిన పసికందును రోడ్డుపై పడేసిన దుండ‌గులు.. మృతదేహాన్ని పీక్కుతిన్న కుక్కలు
ఆసిఫాబాద్ : మానవత్వాన్ని మంటగలిపే హృదయవిదారక ఘటన మ్రంభీం ఆసిఫాబాద్ జిల్లా చింతలమానేపల్లి మండలంలోని దిందా గ్రామంలో చోటుచేసుకుంది. అప్పుడే జన్మించిన పసికందును గుర్తుతెలియని వ్యక్తులు గ్రామ పరిసరాల్లో పడేసి వెళ్లిన ఘటన స్థానికంగా తీవ్ర కలకలం రేపింది. అభం శుభం తెలియని ఆ పసికందు మృతదేహాన్ని కుక్కలు పీక్కుతిన్నట్లు స్థానికులు గుర్తించారు.
గ్రామ పరిసరాల్లో పసికందు మృతదేహాన్ని చూసిన స్థానికులు తీవ్ర దిగ్భ్రాంతికి గురయ్యారు. వెంట‌నే పోలీసుల‌కు స‌మాచార‌మిచ్చారు.
ఈ అమానవీయ ఘటనపై సమాచారం అందుకున్న పోలీసులు సంఘ‌ట‌న స్థ‌లానికి చేరుకొని పసికందును ఎవరు, ఎప్పుడు అక్కడ వదిలివెళ్లారు? అనే కోణంలో వివరాలు సేకరిస్తున్నారు. కేసు న‌మోదు చేసి ద‌ర్యాప్తు చేప‌ట్టారు. పూర్తి వివరాలు తెలియాల్సి ఉంది.
Comments (0)