మాజీ చీఫ్‌ విప్‌ దాస్యం గృహ నిర్బంధం
- బీఆర్‌ఎస్‌ నేతలు, వైఎస్సార్‌నగర్‌ గుడిసెవాసుల అరెస్ట్‌
- డిప్యూటీ సీఎం పర్యటన వేళ సర్కార్‌ దమనకాండ
హనుమకొండ, నవంబర్‌ 11: రాష్ట్ర ఉప ముఖ్యమంత్రి భట్టి విక్రమార్క హనుమకొండ పర్యటన నేపథ్యంలో మాజీ చీఫ్‌ విప్‌ దాస్యం వినయ్‌భాస్కర్‌ను వడ్డేపల్లిలో గృహ నిర్బంధం చేశారు. కాజీపేటలోని వైఎస్సార్‌నగర్‌ గుడిసెవాసులకు న్యాయం చేయకుంటే భట్టి విక్రమార పర్యటనను అడ్డుకుంటామని ప్రకటించిన నేపథ్యంలో బుధవారం ఉదయమే బీఆర్‌ఎస్‌ నేతలను అరెస్ట్‌ చేసి వివిధ పోలీస్‌ స్టేషన్లకు తరలించారు.
కాజీపేటలోని వైఎస్సార్‌నగర్‌ గుడిసెవాసులను మంగళవారం అర్ధరాత్రి అక్రమంగా అరెస్ట్‌ చేయడంతో నియోజకవర్గంలో ఉద్రిక్త పరిస్థితులు నెలకొన్నాయి. అరెస్ట్‌ అయిన వారితో మాట్లాడేందుకు వచ్చిన మాజీ కార్పొరేటర్‌ దాస్యం విజయ్‌భాస్కర్‌ను కూడా పోలీసులు నిర్బంధించారు. ఈ సందర్భంగా మాజీ చీఫ్‌విప్‌ దాస్యం వినయ్‌భాస్కర్‌ మాట్లాడుతూ.. దశాబ్దకాలంగా కాజీపేటలోని వైఎస్సార్‌నగర్‌లో నివసిస్తున్న పేదలు ఇండ్ల పట్టాలు ఇవ్వాలని అడిగినందుకు అర్ధరాత్రి అక్రమంగా అరెస్ట్‌ చేయడంపై తీవ్రంగా ఖండించారు.
Comments (0)