Jensen Huang: మ‌రో ఉద్యోగితో రిలేష‌న్‌.. జేన్స‌న్ హువాంగ్‌పై వేటుకు ఎన్వీడియో బోర్డు సిద్ధం!

న్యూఢిల్లీ: అమెరికా చిప్ త‌యారీ కంపెనీ ఎన్వీడియా సీఈవో జేన్స‌న్ హువాంగ్‌పై చ‌ర్య‌లు తీసుకునేందుకు ఆ కంపెనీ బోర్డు సిద్ద‌మైన‌ట్లు ఓ నివేదిక ద్వారా వెల్ల‌డైంది. చైనీస్ గూఢాచారితో పాటు మ‌రో మ‌హిళ‌తోను సీఈవో జేన్స‌న్ వివాహేత‌ర సంబంధం పెట్టుకున్న‌ట్లు ఆరోప‌ణ‌లు వెల్లువెత్తిన విష‌యం తెలిసిందే. త్వ‌ర‌లోనే కంపెనీ బోర్డు స‌భ్యులు స‌మావేశం కానున్నార‌ని ఆ నివేదిక‌లో వెల్ల‌డైంది. ఒక‌వేళ హువాంగ్‌ను త‌ప్పిస్తే, అప్పుడు సుమారు 4 ట్రిలియ‌న్ల డాల‌ర్ల చిప్ త‌యారీ కంపెనీ భ‌విత‌వ్యం ఆగ‌మ్య‌గోచ‌రంగా మార‌నున్న‌ది. జేన్స‌న్ అఫైర్ వార్త‌లు బ‌య‌ట‌కు పొక్క‌డంతో ఆ కంపెనీ షేర్లు అమాంతం 8 శాతం ప‌డిపోయాయి. ఈ వారంలోనే ఆ కంపెనీ సుమారు 600 బిలియ‌న్ల మార్కెట్ విలువ‌ను కోల్పోయింది.

హువాంగ్‌ను త‌క్ష‌ణ‌మే తొల‌గించ‌లేని ప‌రిస్థితిలో ఆ కంపెనీ ఉన్న‌ది. ఎందుకంటే ఆయ‌న‌కు వార‌సుడిగా ఎవ‌ర్ని ప్ర‌క‌టించాల‌న్న దానిపై ఇంకా క్లారిటీ లేదు. ఒక‌వేళ కంపెనీ విధానాల‌ను కానీ, చ‌ట్టాల‌ను కానీ హువాంగ్ ఉల్లంఘించిన‌ట్లు రుజువైతే, దానికి త‌గిన ఆధారాలు ఉంటే, ఆయ‌న‌పై చ‌ర్య‌లు తీసుకుంటామ‌ని టెక్నాల‌జీ రీస‌ర్చ్ హెడ్ గిల్ లూరియా తెలిపారు. చైనీస్ గూఢాచారిణి అలిస్ హువాంగ్‌తో పాటు కంపెనీలో ప‌నిచేసే ఓ ఎగ్జిక్యూటివ్ మ‌హిళ‌తోనూ హువాంగ్ రిలేష‌న్‌లో ఉన్న‌ట్లు ఊహాగానాలు వ్యాపించాయి. ఎన్వీడియా హెల్త్‌కేర్‌లో వైస్ ప్రెసిడెంట్‌గా చేస్తున్న కింబ‌ర్లే పావ‌ల్‌తో జేన్స‌న్ రిలేష‌న్‌లో ఉన్న‌ట్లు అమెరికా మీడియా తెలిపింది. దీనిపై వ్య‌క్తిగ‌తంగా ఇద్ద‌రూ స్పందించ‌లేదు. అయితే తాజా ఆరోప‌ణ‌ల నేప‌థ్యంలో జేన్సన్‌పై వేటుకు బోర్డు సిద్ధ‌మైన‌ట్లు తెలుస్తోంది.