Journalist Helle Lyng: కేంద్ర మంత్రి అమిత్‌షాకు వీడియో పోస్టు చేసిన నార్వే జ‌ర్న‌లిస్టు

ఓస్లో: భార‌తీయ వీసాను చివ‌రి నిమిషంలో ర‌ద్దు చేశార‌ని నార్వే జ‌ర్న‌లిస్టు హెల్లి లింగ్(Journalist Helle Lyng) ఆరోపించారు. హైద‌రాబాద్‌లో జ‌రుగుతున్న భార‌త్ స‌మ్మిట్‌లో పాల్గొనేందుకు తనకు వీసా, పాస్‌పోర్టు ఉన్నాయ‌ని, కానీ నార్వే విమానాశ్ర‌యానికి బ‌య‌లుదేర‌డానికి 10 నిమిషాల ముందు ఇండియ‌న్ ఎంబ‌సీ నుంచి ఫోన్ కాల్ వ‌చ్చింద‌ని, వీసాను ర‌ద్దు చేశార‌ని జ‌ర్న‌లిస్టు హెల్లీ లింగ్ పేర్కొన్నారు. మీడియా, ప‌త్రికా స్వేచ్ఛ, ప్ర‌జాస్వామ్యం అంశాల‌పై ఆ స‌మ్మిట్‌లో తాను మాట్లాడాల్సి ఉంద‌న్నారు. వీసా ర‌ద్దు చేసిన నేప‌థ్యంలో భార‌త కేంద్ర హోంశాఖ మంత్రి అమిత్‌షాను ఉద్దేశిస్తూ జ‌ర్న‌లిస్టు హెల్లి లింగ్ త‌న ఎక్స్ అకౌంట్‌లో ఓ వీడియోను పోస్టు చేశారు. మీరెందుకు న‌న్ను భార‌త్‌లోకి ఎంట‌ర్ కానివ్వ‌డం లేద‌ని ఆమె వీడియోలో మంత్రి షాను ప్ర‌శ్నించారు. ఇండియ‌న్ వీసా, పొలిటిక‌ల్ క్లియ‌రెన్స్ ఉన్నా… నార్వేలోని ఇండియ‌న్ ఎంబ‌సీ త‌న ప్ర‌యాణాన్ని అడ్డుకున్న‌ట్లు ఆమె చెప్పారు. అయితే కేంద్ర హోంశాఖ ఇచ్చిన ఆదేశాల వ‌ల్లే తన ప్ర‌యాణం నిలిచిపోయిన‌ట్లు ఆమె ఆరోపించారు. కేంద్ర హోంశాఖ కానీ, కేంద్ర విదేశాంగ శాఖ కానీ జ‌ర్న‌లిస్టు హెల్లి లింగ్‌ ఆరోప‌ణ‌ల‌పై స్పందించ‌లేదు.

I got a visa to India and was supposed to leave this morning to attend the Bharat Summit in Hyderabad. I had been invited as a panelist and speaker on the future of media and press freedom.

But «orders from above» in the Ministry of Home Affairs have cancelled my visa.

Here is my message for @AmitShah

— Helle Lyng (@HelleLyngSvends) November 11, 2026

మే నెల‌లో ప్ర‌ధాని మోదీ నార్వేలో ప‌ర్య‌టించిన‌ప్పుడు .. ఓ మీడియా స‌మావేశంలో జ‌ర్న‌లిస్టు హెల్లి లింగ్ ప్ర‌శ్న‌లు వేసిన విష‌యం తెలిసిందే. మీడియాను ఉద్దేశించి మాట్లాడి వెళ్లిపోతున్న స‌మ‌యంలో జ‌ర్న‌లిస్టు హెల్లి ప్ర‌ధాని మోదీకి ప్ర‌శ్న‌లు వేశారు. అయితే ప్ర‌ధాని మోదీని ప్ర‌శ్నించినందుకే త‌న భార‌త వీసాను ర‌ద్దు చేశార‌ని ఆమె ఆరోపించారు. ఇప్ప‌టికైనా తాను హైద‌రాబాద్‌లో జ‌రిగే భార‌త్ స‌మ్మిట్‌లో పాల్గొనేందుకు అవ‌కాశాలు ఉన్నాయ‌ని, ఒక‌వేళ హోంశాఖ త‌న‌కు ప‌ర్మిష‌న్ ఇస్తే, హైద‌రాబాద్‌కు చేరుకుంటాన‌ని ఆమె త‌న వీడియోలో తెలిపారు. న‌వంబ‌ర్ 13, 14 తేదీల్లో హైద‌రాబాద్‌లోని హైటెక్స్‌లో భార‌త్ స‌మ్మిట్ జ‌రుగుతోంది. కాంగ్రెస్ పార్టీ ఈ స‌ద‌స్సును నిర్వ‌హిస్తున్న‌ది. ప్ర‌పంచ‌దేశాల‌కు చెందిన రాజ‌కీయ‌వేత్త‌లు, ప్ర‌తినిధులు, విధాన‌రూప‌క‌ర్త‌లు, మేధావులు ఈ స‌మ్మిట్‌కు హాజ‌రుకానున్నారు.

Primeminister of India, Narendra Modi, would not take my question, I was not expecting him to.

Norway has the number one spot on the World Press Freedom Index, India is at 157th, competing with Palestine, Emirates & Cuba.

It is our job to question the powers we cooperate with.

— Helle Lyng (@HelleLyngSvends) May 18, 2026