Megastar Chiranjeevi | ఎవరినీ అడగలేదు.. కానీ ఆ డైరెక్టర్‌ను మాత్రం నాతో సినిమా చేయమని అడిగా: చిరంజీవి!

18 November 2026 - 12:00
0 0
Megastar Chiranjeevi | ఎవరినీ అడగలేదు.. కానీ ఆ డైరెక్టర్‌ను మాత్రం నాతో సినిమా చేయమని అడిగా: చిరంజీవి!
Chiru

అగ్ర క‌థానాయ‌కుడు మెగాస్టార్ చిరంజీవి (Chiranjeevi) ఏ వేదికపై మాట్లాడినా అక్కడ నవ్వులు పూయడం, ఆ విశేషాలు సోషల్ మీడియాలో ట్రెండ్ కావడం కామన్. తాజాగా ‘ఇట్లు అర్జున’ (Itlu Arjuna) సినిమా సక్సెస్ మీట్ వేదికగా ఆయన చేసిన వ్యాఖ్యలు ప్రస్తుతం టాలీవుడ్‌లో హాట్ టాపిక్‌గా మారాయి. ఈ కార్యక్రమంలో దర్శకుడు వెంకీ కుడుముల‌ని ఉద్దేశించి చిరంజీవి సరదాగా, చమత్కారంగా చేసిన కామెంట్స్ అందరినీ ఎంతగానో ఆకట్టుకున్నాయి.

చిరంజీవి తనదైన శైలిలో మాట్లాడుతూ.. “నేను ఎవరినీ నాతో సినిమా చేస్తావా అని అడగలేదు.. కానీ ఈ దుర్మార్గుడిని (వెంకీ కుడుముల‌) మాత్రం అడిగా! మంచి కథతో వస్తాడని చకోర పక్షిలా ఎదురుచూశా” అంటూ కుడుముల‌తో సినిమా చేయడానికి తాను ఎంతగా ఆసక్తిగా ఉన్నానో తెలియజేశారు. ఒక అగ్ర హీరో స్వయంగా డైరెక్టర్‌ను అడిగానని చెప్పడం, పైగా ఆయనపై చూపించిన ఆప్యాయతతో కూడిన సరదా వ్యాఖ్యలు అక్కడ ఉన్నవారందరినీ నవ్విచాయి.

చిరంజీవి నోటి నుంచి వచ్చిన ఈ మాటలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. మెగాస్టార్ స్వయంగా తనతో సినిమా చేయమని కోరడంతో, త్వరలోనే వీరిద్దరి కాంబినేషన్‌లో ఒక క్రేజీ ప్రాజెక్ట్ పట్టాలెక్కబోతుందనే చర్చ ఫిలింనగర్ వర్గాల్లో జోరుగా సాగుతోంది. చిరు చేసిన ఈ సరదా కామెంట్స్ ప్రస్తుతం మెగా అభిమానులకు కూడా ఫుల్ జోష్ ఇస్తున్నాయి.

 

Comments (0)

User