CM Yogi Adityanath: హ్యాట్రిక్తో రికార్డులు బద్దలు కొడుతాం: యూపీ సీఎం

లక్నో: మూడోసారి బీజేపీ అధికారంలోకి వస్తుందని ఉత్తరప్రదేశ్ సీఎం యోగి ఆదిత్యనాథ్(CM Yogi Adityanath) విశ్వాసాన్ని వ్యక్తం చేశారు. ఈ సారి తమ పార్టీ రికార్డులు బద్దలుకొడుతుందని ఆయన అన్నారు. తమ కూటమి రాబోయే అసెంబ్లీ ఎన్నికల్లో 320 సీట్లు సాధిస్తాయని అన్నారు. రైజింగ్ భారత్ సమ్మిట్లో పాల్గొన్న ఆయన మాట్లాడుతూ అసెంబ్లీ ఫలితాలపై అనుమానాలు అవసరం లేదన్నారు. గతంలో నమోదు చేసిన రికార్డుల కన్నా ఈసారి మెరుగ్గా ప్రదర్శిస్తామని తెలిపారు. 320 మార్క్ దాటుతుందా అని ఓ రిపోర్టర్ అడిగిన ప్రశ్నకు ఆయన బదులిస్తూ కచ్చితంగా ఆ దిశలోనే తమ పార్టీ పనిచేస్తోందన్నారు.
సమాజ్వాదీ, కాంగ్రెస్ పార్టీలను సీఎం యోగి టార్గెట్ చేశారు. గత ప్రభుత్వాలు, ప్రస్తుత పాలనను బేరేజీ వేసుకోవాలన్నారు. గత ప్రభుత్వాలను జంగిల్ రాజ్, గుండారాజ్ అనేవారని, ఆ సమయంలో కర్ఫ్యూలు, లూటీలు జరిగేవని సీఎం యోగి ఆరోపించారు. బీజేపీ మరోసారి పూర్తి మెజారిటీ సాధించి హ్యాట్రిక్ కొడుతుందన్నారు. కుటుంబం, కులం ఆధారిత రాజకీయాలతో ఉత్తరప్రదేశ్ను గత ప్రభుత్వాలు భ్రష్టుపట్టించాయని ఆరోపించారు. రాష్ట్రాన్ని చిక్కట్లోకి నెట్టేశారన్నారు.
Comments (0)