Crime News | జ్యుయెల‌రీ షోరూమ్‌లో భారీ చోరీ.. 16 కిలోల‌ ఆభ‌ర‌ణాలు ఎత్తుకెళ్లిన దొంగ‌లు..!

Crime News : జ్యుయెల‌రీ షోరూమ్ (Jewelary Showroom) లో భారీ చోరీ జ‌రిగింది. రాత్రివేళ షోరూమ్‌లో చొర‌బ‌డ్డ దొంగ‌లు ఏకంగా 16 కిలోల బంగారు, వ‌జ్రాభ‌ర‌ణాల‌ను (Gold and Diamond Arnaments) ఎత్తుకెళ్లారు. తమిళనాడు (Tamil Nadu) రాష్ట్రం మదురై (Madhurai) న‌గ‌రంలోని తనిష్క్‌ జ్యుయెలరీ షారూమ్‌ (Thanisq Jewelary Showroom) లో బుధ‌వారం ఈ చోరీ ఘ‌ట‌న చోటుచేసుకుంది.

మ‌ధురైలోని కలవాసల్ బైపాస్ రోడ్డులో కొత్తగా ప్రారంభమైన ‘తనిష్క్’ ఆభరణాల దుకాణంలోకి రాత్రిపూట‌ గుర్తుతెలియని వ్యక్తులు చొరబడ్డారు. సుమారు 16 కిలోల బంగారం, వజ్రాభరణాలను దోచుకెళ్లారు. ఈ స్టోర్‌ నిర్మాణ పనులు సుమారు 70 శాతం మాత్రమే పూర్త‌య్యాయి. అయినా 10 రోజుల క్రితమే షోరూమ్‌ను ప్రారంభించారు. ఈ క్ర‌మంలో నవంబర్‌ 10న రాత్రి సిబ్బంది ఎప్ప‌టిలాగేతాళం వేసి ఇళ్ల‌కు వెళ్లిపోయారు. 11న వ‌చ్చి చూసేస‌రికి వెనుకవైపు తలుపులు పగలగొట్టి ఉన్నాయి.