Delhi Capitals | దిల్లీ క్యాపిటల్స్కు మహేల జయవర్దనే.. తొలి టైటిల్ సాధించేనా..!

Delhi Capitals | శ్రీలంక స్టార్ క్రికెటర్ మహేల జయవర్దనే(Mahela Jayawardene )13 ఏళ్ల విరామం తర్వాతమళ్లీ ఢిల్లీ ఫ్రాంచైజీలోకి(Delhi Capitals) అడుగుపెడుతున్నారు. గతంలో 2012, 2013 IPL సీజన్లలో ఆయన ఢిల్లీ డేర్డెవిల్స్ తరఫున ఆడటంతో పాటు కెప్టెన్గా కూడా వ్యవహరించారు. గత సీజన్ వరకు ముంబై ఇండియన్స్ టీంకు హెడ్ కోచ్గా పని చేసి మూడు ఐపీఎల్ టైటిళ్లు(2017, 2019, 2020) నెగ్గడంలో కీలక పాత్ర పోషించారు. నేడు మహేలను ఢిల్లీ క్యాపిటల్స్ తమ వుమెన్ ప్రీమియర్ లీగ్ (WPL) జట్టుకు ‘డైరెక్టర్ ఆఫ్ క్రికెట్’గా నియమించింది. జట్టు వ్యూహం, ప్రతిభను గుర్తించడం, ఆటగాళ్లు, కోచింగ్ సిబ్బంది అభివృద్ధి’తో సహా ఫ్రాంచైజీకి సంబంధించిన అన్ని క్రికెట్ విషయాలను జయవర్ధనే పర్యవేక్షిస్తారని ఫ్రాంచైజీ ఒక ప్రకటనలో ధృవీకరించింది.
2027 డబ్ల్యూపీఎల్ సీజన్కు ముందు ఢిల్లీ క్యాపిటల్స్ ఫ్రాంచైజీ ఈ విషయాన్ని అధికారికంగా ప్రకటించింది. ఇప్పటివరకు డబ్ల్యూపీఎల్ లో నాలుగుసార్లు రన్నరప్గా నిలిచిన ఢిల్లీ క్యాపిటల్స్, మెన్స్ ఐపీఎల్లో తొలి టైటిల్ సాధించాలనే లక్ష్యంతో జయవర్దనే అనుభవాన్ని వినియోగించుకోనుంది. హెడ్ కోచ్ జోనాథన్ బాటీ, కెప్టెన్ జెమీమా రోడ్రిగ్స్తో కలిసి ఆయన పనిచేస్తారు. 2027 డబ్ల్యూపీఎల్ సీజన్ జనవరి 14న ప్రారంభం కానుండగా, ఢిల్లీ క్యాపిటల్స్ తమ తొలి మ్యాచ్ను జనవరి 16న వడోదరలో రాయల్ ఛాలెంజర్స్ బెంగళూరుతో ఆడనుంది.
Comments (0)