ఉప్పల్ భగాయత్‌లో ఘోర ప్రమాదం.. డివైడర్‌ను ఢీకొని ఇద్దరు యువకులు మృతి

21 November 2026 - 12:00
0 0
ఉప్పల్ భగాయత్‌లో ఘోర ప్రమాదం.. డివైడర్‌ను ఢీకొని ఇద్దరు యువకులు మృతి
Accident

హైదరాబాద్‌లోని ఉప్పల్‌ భగాయత్‌ హెచ్‌ఎండీఏ లేఅవుట్‌ పరిధిలో శుక్రవారం అర్ధరాత్రి ఘోర రోడ్డు ప్రమాదం జరిగింది. ద్విచక్రవాహనం అదుపుతప్పి డివైడర్‌పై ఉన్న విద్యుత్‌ స్తంభం దిమ్మెను ఢీకొట్టడంతో ఇద్దరు యువకులు అక్కడికక్కడే మృతి చెందారు.

మహ్మద్‌ మునాజిర్‌ (34) యమహా ఎఫ్‌జెడ్‌ బైక్‌పై ఉప్పల్‌ భగాయత్‌ హెచ్‌ఎండీఏ లేఅవుట్‌ నుంచి నాగోల్‌ వైపు వెళ్తున్నాడు. మార్గమధ్యలో శ్రీపూజ గ్లాస్‌ హార్డ్‌వేర్‌ దుకాణం ఎదురుగా బైక్‌ అదుపుతప్పి డివైడర్‌పై ఉన్న విద్యుత్‌ స్తంభం దిమ్మెను బలంగా ఢీకొట్టింది. ప్రమాద తీవ్రతకు బైక్‌పై ఉన్న మునాజిర్‌తో పాటు వెనుక కూర్చున్న మహ్మద్‌ సలావుద్దీన్‌ (35) మృతి చెందాడు. సలావుద్దీన్‌ గుజరాత్‌లోని భరూచ్‌కు చెందిన కార్మికుడు. ప్రస్తుతం ఉప్పల్‌ భగాయత్‌లోని జైన్‌ భవన్‌లో నివాసం ఉంటున్నాడు.

సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేశారు. మృతదేహాలను గాంధీ ఆసుపత్రి మార్చురీకి తరలించారు. ప్రమాదానికి గల కారణాలపై పోలీసులు దర్యాప్తు చేస్తున్నారు.

Comments (0)

User