ఉర్సు వేడుకలను విజయవంతం చేయాలి : ఎమ్మెల్యే కోరం కనకయ్య

ఇల్లెందు, నవంబర్ 20 : కుల మతాలకు అతీతంగా ఎంతో పురాతనమైన ఇల్లెందు సత్యనారాయణపురం నాగుల్మీరా దర్గా ఉర్సు వేడుకలను విజయవంతం చేయాలని ఎమ్మెల్యే కోరం కనకయ్య పిలుపునిచ్చారు. శుక్రవారం దర్గా కమిటీ ఆధ్వర్యంలో ఉర్సు ఉత్సవాల పోస్టర్లను ఆవిష్కరించారు. ఈ సందర్భంగా ఎమ్మెల్యే మాట్లాడుతూ.. ఎంతో పురాతన కాలంగా ఈ ప్రాంతంలో కుల మతాలకు అతీతంగా నిర్వహించే దర్గా ఉర్సు వేడుకలు డిసెంబర్ 7, 8 తేదీల్లో జరుగనున్నట్లు తెలిపారు. ఈ వేడుకలకు రాష్ట్ర నలుమూలల నుండి భారీ ఎత్తున భక్తులు వచ్చి విజయవంతం చేయాలని కోరారు. ఈ కార్యక్రమంలో దర్గా మాలిక్ లక్ష్మి నారాయణ, వెంకటేశ్వర్లు, దర్గా కమిటీ సభ్యులు పులిగండ్ల మాధవరావు, పుట్ట శ్రీనివాస్, పగడాల చందు, పాషా, యూసుఫ్, అంకుల్, రామకృష్ణ, స్థానిక నాయకులు పాల్గొన్నారు.

ఉర్సు వేడుకలను విజయవంతం చేయాలి : ఎమ్మెల్యే కోరం కనకయ్య
Comments (0)