Keerthy Suresh | కీర్తి సురేశ్ ‘సత్యవాన్ సావిత్రి’కి ఊహించ‌ని ఓపెనింగ్స్.. తొలి రోజే షాక్!

21 November 2026 - 12:00
0 0
Keerthy Suresh | కీర్తి సురేశ్ ‘సత్యవాన్ సావిత్రి’కి ఊహించ‌ని ఓపెనింగ్స్.. తొలి రోజే షాక్!
Savitri

Keerthy Suresh | నటి కీర్తి సురేశ్‌ వరుసగా విభిన్న కథా చిత్రాలతో ప్రేక్షకులను అలరించే ప్రయత్నం చేస్తున్నారు. ఇటీవల ‘డొరోతీ’ చిత్రంతో ప్రేక్షకుల ముందుకు వచ్చిన ఆమె.. ఇప్పుడు ‘సత్యవాన్ సావిత్రి’ అనే కోర్టు డ్రామాతో థియేటర్లలో సందడి చేస్తున్నారు. ప్రముఖ దర్శకుడు మిస్కిన్‌ కీలక పాత్రలో నటించడంతో ఈ సినిమాపై కొంత ఆసక్తి ఏర్పడింది. అయితే విడుదలకు ముందు పెద్దగా ప్రచారం లేకపోవడంతో ఈ చిత్రానికి బాక్సాఫీస్‌ వద్ద ఆశించిన స్పందన లభించలేదు. ‘సత్యవాన్ సావిత్రి’ సినిమా తక్కువ అంచనాల మధ్య ప్రేక్షకుల ముందుకు వచ్చింది. ముఖ్యంగా తెలుగు వెర్షన్‌కు సంబంధించి ప్రేక్షకుల్లో పెద్దగా అవగాహన కనిపించలేదు. సినిమా విడుదలైన విషయం కూడా చాలామందికి తెలియని పరిస్థితి నెలకొంది.

మరోవైపు తమిళంలోనూ ఈ చిత్రానికి చెప్పుకోదగ్గ ఓపెనింగ్స్‌ రాలేదు. కీర్తి సురేశ్‌ వంటి గుర్తింపు ఉన్న నటి ప్రధాన పాత్రలో నటించినప్పటికీ, ఆ క్రేజ్‌ తొలి రోజు వసూళ్లలో కనిపించకపోవడం నిరాశ కలిగిస్తోంది.టికెట్‌ బుకింగ్‌ వేదిక బుక్‌మైషోలో ఈ సినిమా తొలి రోజు కేవలం 5 వేల టికెట్లకు కొద్దిగా ఎక్కువ మాత్రమే అమ్ముడయ్యాయి. స్టార్‌ నటీనటులు ఉన్న చిత్రానికి ఈ స్థాయి స్పందన రావడం బాక్సాఫీస్‌ వద్ద నిరాశాజనక పరిణామమే. ముఖ్యంగా తమిళ వెర్షన్‌ నుంచైనా మంచి ఓపెనింగ్‌ వస్తుందని ఆశించిన చిత్ర బృందానికి ఈ ఫలితం షాక్‌ ఇచ్చినట్లయింది.

ప్రస్తుతం ‘సత్యవాన్ సావిత్రి’కి ప్రేక్షకుల నుంచి ఆశించిన ఆదరణ కనిపించడం లేదు. అయితే వారాంతంలో సినిమా పరిస్థితి మారుతుందా? ప్రేక్షకుల స్పందనతో థియేటర్లకు వచ్చే వారి సంఖ్య పెరుగుతుందా? అన్నది ఆసక్తికరంగా మారింది. మంచి కథ, నటన ఉన్నప్పటికీ ప్రచారం లోపిస్తే సినిమాలకు ఎలాంటి ఇబ్బందులు ఎదురవుతాయో ఈ చిత్రం పరిస్థితి మరోసారి గుర్తు చేస్తోంది. డ్రమ్‌స్టిక్స్‌ ప్రొడక్షన్స్‌, జీ స్టూడియోస్‌ సంయుక్తంగా ఈ చిత్రాన్ని నిర్మించాయి. నూతన దర్శకుడు ప్రవీణ్‌ ఎస్. విజయ్‌ తెరకెక్కించారు. చారుకేశ్‌, బాల సరవణన్‌, శిల్పా మంజునాథ్‌, మధుసూదనన్‌, ఆర్. సుందరరాజన్‌, బ్రిగిడా, మాలా పార్వతి, ఏ. వెంకటేశ్‌ తదితరులు కీలక పాత్రల్లో నటించారు. సామ్‌ సీఎస్‌ సంగీతం అందించారు.

Comments (0)

User