Air India Flight: కోల్‌క‌తాలో హైజాక్ అల‌ర్ట్ జారీ చేసిన ఎయిర్ ఇండియా పైల‌ట్

కోల్‌క‌తా: కోల్‌క‌తా విమానాశ్ర‌యంలో ఇవాళ ఉత్కంఠ వాతావ‌ర‌ణం నెల‌కొన్న‌ది. ముంబైకి వెళ్లాల్సిన ఎయిర్ ఇండియా విమానం(Air India Flight) టేకాఫ్ తీసుకునే స‌మ‌యంలో హైజాక్ అల‌ర్ట్ జారీ చేశారు. దీంతో భ‌ద్ర‌తా సిబ్బంది హుటాహుటిన విమానాశ్ర‌యానికి చేరుకున్న‌ట్లు కొన్ని టీవీ ఛాన‌ళ్లు పేర్కొన్నాయి. ఎయిర్ ట్రాఫిక్ కంట్రోల్‌కు హైజాక్ మెసేజ్‌ను పైల‌ట్ పంపిన‌ట్లు తెలిసింది. టేకాఫ్‌కు ముందు ఈ ఘ‌ట‌న జ‌రిగింది. దీంతో ఆ విమానాన్ని పార్కింగ్ స్థ‌లానికి త‌ర‌లించారు. భ‌ద్ర‌తా సిబ్బంది త‌నిఖీలు చేప‌ట్టారు.

బ‌హుశా ఓ ప్ర‌యాణికుడి ప్ర‌వ‌ర్తన వ‌ల్ల ఆ హెచ్చ‌రిక చేసి ఉంటార‌ని అనుమానిస్తున్నారు. ఎయిర్ ఇండియ ఫ్ల‌యిట్ 772 టేకాఫ్ తీసుకునే స‌మ‌యంలో హైజాక్ అల‌ర్ట్ జ‌రిగింది. విమానంలో ఉన్న వాష్‌రూమ్‌లోని అద్దంపై హైజాక్ అని రాసిన‌ట్లు కొన్ని వ‌ర్గాల ద్వారా తెలుస్తోంది. కానీ ఇప్ప‌టి వ‌ర‌కు అధికారులు స‌మాచారం ఇవ్వ‌లేదు.