‘నిరుపేద విద్యార్థులకు ఫీజుల‌ చెల్లింపు అభినందనీయం’

కోదాడ‌, నవంబ‌ర్ 11 : నిరుపేద విద్యార్థులు చదువుకు దూరం కాకూడదనే లక్ష్యంతో ప్రవాస భారతీయుడు పానుగంటి ఋషి 50 మంది విద్యార్థుల ఫీజులకు రూ.47 వేల ఆర్థిక సహాయం చేయడం అభినందనీయమని జిల్లా డిఐఈఓ బి.సులోచన రాణి అన్నారు. బుధవారం కోదాడ ప్రభుత్వ జూనియర్ కళాశాలలో నిర్వహించిన అభినందన సభలో ఆమె పాల్గొని మాట్లాడారు. మానవ సేవే మాధవ సేవనే దృక్పథంతో నిరుపేద విద్యార్థులకు ఆర్థికంగా సహకరించి వారి భవిష్యత్‌కు భరోసా కల్పించారని పేర్కొన్నారు. ప్రిన్సిపల్ రమణారెడ్డి మాట్లాడుతూ.. రుషి దాతృత్వాన్ని స్ఫూర్తిగా తీసుకుని ప్రవాస భారతీయులు మానవతా దృక్పథంతో నిరుపేద విద్యార్థులకు ఆర్థిక సహాయం చేయాలన్నారు. ఆర్థికంగా సహాయం చేసేందుకు తోడ్పడిన భౌతికశాస్త్ర అధ్యాపకుడు పారుగంటి రాజేశ్‌ను అభినందించారు. ఈ కార్యక్రమంలో అధ్యాపకులు వేముల వెంకటేశ్వర్లు, పిచ్చిరెడ్డి యాదగిరి, బల భీమారావు, రమేశ్‌, రాజేశ్‌, వెంకన్న, గోపి, కృష్ణ, ముస్తఫా, జ్యోతిలక్ష్మి, మమతా, విద్యార్థులు పాల్గొన్నారు.