రేవంత్ రెడ్డికి మెడికవర్ హాస్పిట‌ల్స్‌పై ఉన్న శ్రద్ధ ప్రభుత్వ ద‌వాఖాన‌ల‌పై ఎందుకు లేదు? : మన్నె క్రిశాంక్

Manne Krishank | సీఎం రేవంత్ రెడ్డికి మెడికవర్ హాస్పిట‌ల్స్‌పై ఉన్న శ్రద్ధ ప్రభుత్వ ద‌వాఖాన‌ల‌పై ఎందుకు లేదు? అని బీఆర్ఎస్ నేత మన్నె క్రిశాంక్ ప్ర‌శ్నించారు. 2 సంవత్సరాల్లో హెలికాప్టర్ వేసుకొని వెళ్లి 3 మెడికవర్ ద‌వాఖాన‌ల‌ను ప్రారంభించాడు. కానీ అదే 23 నెలల్లో అల్వాల్ టిమ్స్ హాస్పిట‌ల్‌ పనులు కేవలం 5 శాతం మాత్రమే చేశార‌ని విమ‌ర్శించారు. మంత్రి కోమటిరెడ్డి వెంకట్ రెడ్డి 2025 జనవరి నెలలో అల్వాల్ టిమ్స్ ద‌వాఖాన‌ను సందర్శించి, 90% పనులు పూర్తయ్యాయని, 2025 ఆగస్టు 31వ తేదీలోపు పనులు పూర్తి చేస్తామని తెలిపాడు.

నిన్న (నవంబర్ 10, 2026వ తేదీన) మంత్రి దామోదర రాజనర్సింహ సందర్శించి, 95% పనులు పూర్తయ్యాయని, త్వరలో ద‌వాఖాన‌ను ప్రారంభిస్తామని చెప్పాడు. అంటే జనవరి 2025 నుంచి నిన్నటి వరకు అల్వాల్ టిమ్స్ హాస్పిట‌ల్‌ పనులు కేవలం 5% మాత్రమే జరిగాయని మంత్రులు స్పష్టం చేసిన‌ట్లు అర్థమ‌వుతుంద‌న్నారు. ఇప్ప‌టికైనా ప్ర‌భుత్వ ద‌వాఖాన‌ల‌పై శ్ర‌ద్ధ‌పెట్టి సామాన్యుడికి ఆరోగ్య సేవ‌లు అందుబాటులో ఉంచాల‌న్నారు.