850 ఉద్యోగాలకు క్వాంటాస్‌ కోత
కాన్‌బెర్రా : ఆస్ట్రేలియాకు చెందిన ప్రముఖ విమానయాన సంస్థ క్వాంటాస్‌ ఎయిర్‌వేస్‌ సుమారు 850 మంది ఉద్యోగులను తొలగించడంతోపాటు, పలు కీలక విభాగాల కార్యకలాపాలను భారత్‌కు తరలించనుంది. ప్రముఖ కన్సల్టింగ్‌ సంస్థ యాక్సెంచర్‌తో కుదుర్చుకున్న బహుళ సంవత్సరాల సాంకేతిక ఒప్పందంలో భాగంగా ఈ మార్పులు చేపట్టనున్నది. 2027 మధ్యకాలం నుంచి ఈ ప్రక్రియ ప్రారంభం కానున్నది.
ఫైనాన్స్‌, ప్రొక్యూర్‌మెంట్‌, మానవ వనరులు, మార్కెటింగ్‌ విభాగాల్లో పనిచేస్తున్న ఉద్యోగులపై తొలుత ప్రభావం పడనుంది. వీరిలో పలువురి విధులను భారత్‌లోని యాక్సెంచర్‌ బృందాలకు అప్పగించనున్నారు. కొన్ని కార్యకలాపాలు మాత్రం ఆస్ట్రేలియాలోనే కొనసాగుతాయి. క్వాంటాస్‌ ఏటా టెక్నాలజీ కోసం 100 కోట్ల ఆస్ట్రేలియన్‌ డాలర్లకుపైగా ఖర్చు చేస్తున్నది.
Comments (0)