81 ఏండ్ల బ్రిటిష్‌ రచయితకు బుకర్‌ ప్రైజ్‌
- ఆ బహుమతి అందుకున్న అత్యంత వృద్ధునిగా రికార్డు
లండన్‌, నవంబర్‌ 10 : బ్రిటిష్‌ రచయిత ఎం జాన్‌ హారిసన్‌ బుకర్‌ ప్రైజ్‌ 2026ను గెల్చుకున్నారు. ఆయన రాసిన ‘ద ఎండ్‌ ఆఫ్‌ ఎవిరిథింగ్‌’ నవలకు ఈ బహుమతి లభించింది. 81 ఏండ్ల వయసులో కల్పిత సాహిత్యంలో అత్యంత ప్రతిష్టాత్మకమైన పురస్కారాలలో ఒకదాన్ని అందుకున్న అత్యంత వృద్ధ రచయితగా ఆయన నిలిచారు.
లండన్‌లోని ఓల్డ్‌బిల్డింగ్స్‌గేట్‌లో సోమవారం జరిగిన ఒక కార్యక్రమంలో విజేతను ప్రకటించారు. ప్రైజ్‌మనీ కింద హారిసన్‌ 67 వేల డాలర్లను అందుకుంటారు. ఈ విజయం బుకర్‌ ప్రైజ్‌ చరిత్రలో సైన్స్‌ ఫిక్షన్‌కు లభించిన అరుదైన గౌరవంగా నిలుస్తుంది. హారిసన్‌ గత ఐదు దశాబ్దాలకు పైగా ఈ ప్రక్రియలోనే రచనలు చేస్తున్నారు.
Comments (0)