వైద్య సిబ్బందిపై డీఎంహెచ్‌ఓ తుకారాం రాథోడ్ తీవ్ర‌ ఆగ్రహం

21 November 2026 - 21:09
0 0
వైద్య సిబ్బందిపై డీఎంహెచ్‌ఓ తుకారాం రాథోడ్ తీవ్ర‌ ఆగ్రహం
వైద్య సిబ్బందిపై డీఎంహెచ్‌ఓ తుకారాం రాథోడ్ తీవ్ర‌ ఆగ్రహం

– జూలూరుపాడు పీహెచ్‌సీ ఆకస్మిక తనిఖీ

జూలూరుపాడు, నవంబర్ 21 : జూలూరుపాడు మండల కేంద్రంలోని ప్రాథమిక ఆరోగ్య కేంద్రాన్ని భ‌ద్రాద్రి జిల్లా వైద్యాధికారి డాక్టర్ తుకారాం రాథోడ్, జిల్లా ఇమ్యునైజేషన్ అధికారి డాక్టర్ ప్రతాప్ శనివారం ఆకస్మికంగా తనిఖీ చేశారు. ఈ సందర్భంగా ఆస్ప‌త్రి నిర్వహణ, సిబ్బంది పనితీరును పరిశీలించిన అధికారులు, విధుల పట్ల నిర్లక్ష్యం వహిస్తున్న వైద్య సిబ్బందిపై తీవ్ర ఆగ్రహం వ్యక్తం చేశారు. కమ్యూనిటీ హెల్త్ ఆఫీసర్, హెల్త్ సూపర్‌వైజర్లలో క్షేత్రస్థాయి పర్యవేక్షణ లోపించిందని, వారు సమయ పాలన పాటించడం లేదని మండిపడ్డారు. అదేవిధంగా ఏఎన్ఎంలు సైతం సమయ పాలన పాటించకపోవడంపై తీవ్ర అసహనం వ్యక్తం చేశారు. అనంతరం రికార్డులను పరిశీలించారు. మందుల కొరత తలెత్తకుండా, సకాలంలో మందులు సరఫరా అయ్యేలా తగిన చర్యలు తీసుకోవాలని ఆదేశించారు. ఈ కార్యక్రమంలో మండల వైద్యాధికారి డాక్టర్ బి.వెంకటేశ్వర్లు, ఫార్మసీ ఆఫీసర్, హెడ్ నర్సు ఇందిర, ఎల్‌టీ రాము, ఏఎన్ఎంలు పాల్గొన్నారు.

Comments (0)

User