నాగినేనిప్రోలు రెడ్డిపాలెంలో గోపాలమిత్ర పశువైద్య శిబిరం

21 November 2026 - 21:09
0 0
నాగినేనిప్రోలు రెడ్డిపాలెంలో గోపాలమిత్ర పశువైద్య శిబిరం
నాగినేనిప్రోలు రెడ్డిపాలెంలో గోపాలమిత్ర పశువైద్య శిబిరం

బూర్గంపహాడ్, నవంబర్ 21 : బూర్గంపహాడ్ మండల పరిధిలోని నాగినేనిప్రోలు రెడ్డిపాలెం గ్రామంలో గోపాలమిత్ర పశువైద్య శిబిరాన్ని శనివారం నిర్వహించారు. ఈ శిబిరాన్ని సర్పంచ్ బానోత్ సరోజ, ఉప సర్పంచ్ అప్పిరెడ్డి శ్రీనివాసరెడ్డితో కలిసి ప్రారంభించారు. ఈ శిబిరంలో పశువైద్యాధికారి బాలకృష్ణ 24 పశువులను పరీక్షించి సూడి పరీక్షలు నిర్వహించారు. అదేవిధంగా 30 దూడలకు నట్టల నివారణ మందులు తాగించారు. పాడి రైతులు పశువులకు సీజనల్‌గా వచ్చే వ్యాధులను గుర్తిస్తూ తగిన సమయంలో వైద్యం చేయించుకోవాలని, సీజనల్ వ్యాధుల పట్ల అప్రమత్తంగా ఉండాలని, పశువైద్య శిబిరాలను పాడి రైతులు సద్వినియోగం చేసుకోవాలని సర్పంచ్ కోరారు. ఈ శిబిరంలో గోపాలమిత్రలు గోవిందారెడ్డి, నాగరాజు, నాగేశ్వరరావు, గోపాలమిత్రల సూపర్‌వైజ‌ర్ జకరయ్య పాల్గొన్నారు.

Comments (0)

User