S.S Karthikeya | కార్తికేయకు సూపర్ స్టార్ మహేశ్ బాబు స్పెషల్ బర్త్డే విషెస్.. ఫొటో వైరల్!

టాలీవుడ్ స్టార్ డైరెక్టర్ ఎస్.ఎస్. రాజమౌళి తనయుడు, ప్రతిభావంతుడైన నిర్మాత ఎస్.ఎస్. కార్తికేయ పుట్టినరోజు సందర్భంగా సూపర్ స్టార్ మహేశ్ బాబు సోషల్ మీడియా వేదికగా ప్రత్యేక శుభాకాంక్షలు తెలియజేశారు. ఈ సందర్భంగా మహేశ్ బాబు షేర్ చేసిన పోస్ట్ మరియు ఫొటో ప్రస్తుతం నెట్టింట వైరల్గా మారాయి.
“హ్యాపీ బర్త్డే కార్త్… నువ్వు కనే పెద్ద కలలు నిజం కావాలని, మరిన్ని భారీ విజయాలు సాధించాలని కోరుకుంటున్నాను. నువ్వు పడే కష్టానికి తగిన ప్రతిఫలం ఈ ఏడాది దక్కాలి. ఎప్పుడూ నీకు అండగా ఉంటాను” అంటూ మహేశ్ బాబు ఆత్మీయంగా ట్వీట్ చేశారు. దీనికి కార్తికేయతో కలిసి దిగిన ఒక స్పెషల్ ఫొటోను కూడా జతచేశారు.
ప్రస్తుతం ఎస్.ఎస్. రాజమౌళి దర్శకత్వంలో మహేశ్ బాబు హీరోగా ప్రతిష్టాత్మకంగా తెరకెక్కుతున్న ‘వారణాసి’ చిత్రానికి కార్తికేయ సహ నిర్మాతగా (ఎగ్జిక్యూటివ్ ప్రొడ్యూసర్) వ్యవహరిస్తున్నారు. షూటింగ్ మరియు నిర్మాణ పనులను తెరవెనుక ఉండి సమర్థవంతంగా నడిపిస్తున్న కార్తికేయతో మహేశ్ బాబుకు మంచి అనుబంధం ఏర్పడింది. తాజాగా మహేశ్ బాబు చేసిన ఈ పోస్ట్ అభిమానులను విశేషంగా ఆకట్టుకుంటోంది. సినిమా షూటింగ్ శరవేగంగా జరుగుతుండగా, వచ్చే ఏడాది జనవరిలో ఈ చిత్రం ప్రేక్షకుల ముందుకు రానుంది.
Happy Birthday Karth….
Here’s to bigger dreams, bigger wins and a year that gives back everything you put in…. Always rooting for you!!!
@ssk1122 https://t.co/HWvF4M8IEQ
— Mahesh Babu (@urstrulyMahesh) November 22, 2026


Comments (0)