నేడు ట్రంప్, పుతిన్, జిన్పింగ్ భేటీ

- ప్రపంచ దేశాల్లో ఉత్కంఠ
షెన్జన్ : ప్రపంచ రాజకీయాల్లో కీలక పరిణామం చోటుచేసుకోబోతున్నది. అమెరికా అధ్యక్షుడు ట్రంప్, చైనా అధ్యక్షుడు జిన్పింగ్, రష్యా అధ్యక్షుడు పుతిన్ నవంబర్ 19న తొలిసారిగా త్రైపాక్షిక సమావేశంలో పాల్గొననున్నారు. షెన్జెన్లో జరుగుతున్న అపెక్ సదస్సు దీనికి వేదిక కానుంది. ఇప్పటికే జిన్పింగ్, పుతిన్ సమావేశమై, తమ దేశాల సంబంధాలను పాత మిత్రుల బంధంగా అభివర్ణించారు.
అంతర్జాతీయ అనిశ్చితి వేళ ఈ బంధం స్థిరత్వానికి దోహదపడుతుందని జిన్పింగ్ పేర్కొన్నారు. ట్రంప్, జిన్పింగ్ భేటీలో వాణిజ్య వివాదాలు, సుంకాలు, అమెరికా వ్యవసాయ ఉత్పత్తుల కొనుగోళ్లు, అరుదైన ఖనిజాల సరఫరా, ఏఐ చిప్లపై ఆంక్షలు చర్చకు రానున్నాయి. ముగ్గురి సమావేశంలో అణ్వాయుధాల నియంత్రణ, ఇరాన్ యుద్ధం, అంతర్జాతీయ భద్రతపై చర్చించనున్నారు. ఉక్రెయిన్ యుద్ధం చర్చకు వస్తుందా లేదా అనేదానిపై స్పష్టత లేదు.
ట్రంప్నకు జిన్పింగ్ ఆలింగనం!
అపెక్ సదస్సుకు హాజరయ్యేందుకు బుధవారం చైనాలోని షెంజెన్కు వచ్చిన ట్రంప్కు ఘన స్వాగతం లభించింది. విమానాశ్రయంలో ట్రంప్నకు జిన్పింగ్ స్వయంగా స్వాగతం పలికారు. ఆత్మీయంగా ఆలింగనం చేసుకున్నారు.
Comments (0)