తెలంగాణ భవన్‌లో ఆజాద్‌ జయంతి
హైదరాబాద్‌, నవంబర్‌ 11 (నమస్తే తెలంగాణ) : బీఆర్‌ఎస్‌ కేంద్ర కార్యాలయమైన తెలంగాణ భవన్‌లో బుధవారం దేశ తొలి విద్యాశాఖ మంత్రి మౌలానా అబుల్‌ కలాం ఆజాద్‌ జయంతి వేడుకలు ఘనంగా జరిగాయి. మాజీ డిప్యుటీ సీఎం మహమూద్‌ అలీ, బీఆర్‌ఎస్‌ ప్రధాన కార్యదర్శి రావుల చంద్రశేఖర్‌రెడ్డి, కార్పొరేషన్‌ మాజీ చైర్మన్‌ ఇంతియాజ్‌ అహ్మద్‌, బీఆర్‌ఎస్‌ నేతలు ఆజం అలీ, అర్షద్‌ అలీఖాన్‌, నియాజీ తదితరులు ఆజాద్‌ చిత్రపటానికి నివాళ్లర్పించారు.
ఈ సందర్భంగా మాట్లాడిన మహమూద్‌ అలీ, ఇంతియాజ్‌, నియాజీ కాంగ్రెస్‌ ప్రభు త్వం మైనారిటీలను నిర్లక్ష్యం చేస్తున్నదని మండిపడ్డారు. కేసీఆర్‌ పాలనలో మైనారిటీలకు అన్నిరంగాల్లో సముచిత స్థానం లభిస్తే, రేవంత్‌రెడ్డి సీఎం అయ్యాక అన్ని విధాలా నష్టపోయారని తెలిపారు. కాంగ్రెస్‌ మూడేం డ్ల పాలనలో మైనారిటీ డిక్లరేషన్‌ ఎందుకు అమలు చేయలేదని ప్రశ్నించారు.
Comments (0)