ఆసక్తికరమైన ఎలిమెంట్స్‌తో ‘మాయలేడి’

‘రొమాంటిక్‌ ఫ్యామిలీ ఎంటర్‌టైనర్‌గా ‘మాయలేడి’ చిత్రాన్ని తెరకెక్కించాం. ఒక ప్రేక్షకుడిగా నాకు ఈ తరహా చిత్రాలంటేనే ఇష్టం. ఈ కథకు ‘మాయలేడి’ అనే టైటిల్‌ యాప్ట్‌. ఈ కథలో ఓ ఆసక్తికరమైన ఎలిమెంట్‌ ఉంటుంది. అదేంటో మీరు తెరపైనే చూడాలి’ అని హీరో, నిర్మాత రాకేష్‌ వర్రే అన్నారు. ఆయన హీరోగా నటిస్తూ నిర్మించిన చిత్రం ‘మాయలేడి’. మధుమిత సర్కార్‌ కథానాయిక. ప్రశంకర్‌ దర్శకుడు. శుక్రవారం సినిమా విడుదల కానున్నది. ఈ సందర్భంగా హైదరాబాద్‌లో రాకేష్‌ వర్రే విలేకరులతో మాట్లాడారు. ‘రక్తపాతాలతో కూడిన యాక్షన్‌ కథలు వస్తున్న ఈ రోజుల్లో..

నాకు నచ్చిన జానరైన రొమాంటిక్‌ ఫ్యామిలీ డ్రామాతో సినిమా చేస్తే ఆడియన్స్‌కి కాస్త రిలీఫ్‌ ఇచ్చినట్టు అవుతుందని ఈ సినిమా చేశాను. అయితే కొత్తదనం లేకుండా సినిమా చేయడం నాకిష్టముండదు. అందుకే కాస్త టైమ్‌ తీసుకొని విభిన్నమైన వేరియేషన్స్‌ ఉంటూనే కమర్షియల్‌గా సాగే ఈ కథను తయారుచేశాం. నటుడిగా ప్రయోగాత్మక చిత్రాలు చేయాలని నాకు కోరిక ఉంది. అయితే.. అలాంటి సినిమాలు చేయాలంటే ముందు నాకు సక్సెస్‌ రావాలి. ఆ ప్రయత్నంలో భాగమే ఈ ‘మాయలేడి” అని తెలిపారు రాకేష్‌ వర్రే. కథానాయిక మధుమిత ఇందులో రూప, ఆశ అనే రెండు పాత్రల్ని పోషించిందని, ఆమె పాత్రల్ని థియేటర్‌లో ఆడియన్స్‌ ఎంజాయ్‌ చేస్తారని, సాంకేతికంగా కూడా సినిమా అలరిస్తుందని రాకేష్‌ వర్రే చెప్పారు.