కొత్తకోట ఆలయంలో చారిత్రక శాసనం
- 6వ విక్రమాదిత్యుని కాలంనాటిదిగా గుర్తింపు
హైదరాబాద్‌, నవంబర్‌ 9 (నమస్తే తెలంగాణ): వనపర్తి జిల్లాలోని చారిత్రక పట్టణం కొత్తకోట మున్సిపాలిటీ పరిధిలోని పురాతన ఆంజనేయస్వామి దేవాలయంలో కల్యాణీ చాళుక్యుల కాలంనాటి శాసనం వెలుగుచూసింది. కొత్త తెలంగాణ చరిత్ర బృందం పరిశోధక సభ్యులు బైరోజు చంద్రశేఖర్‌, డాక్టర్‌ బైరోజు శ్యాంసుందర్‌, హనుమన్నగారి వేమారెడ్డి, స్థానిక హనుమద్దేవాలయ పూజారి పండ్రాప్రగ్గడ రామారావు ఆలయ ప్రాంగణాన్ని పరిశీలించి ఈ శాసనాన్ని గుర్తించారు.
ఆలయంలో కాకతీయుల శైలిలో చతురస్రాకార పానవట్టంపై సమతల శీర్షంతో ఉన్న అడుగు ఎత్తున్న శివలింగం, కల్యాణీ చాళుక్యుల శైలికి చెందిన నంది, ద్విభుజ గణపతి విగ్రహాలతోపాటు 16వ శతాబ్దపు శిఖతో కూడిన భక్తాంజనేయ విగ్రహం కొలువుదీరి ఉన్నాయి.
Comments (0)