జేకే పెన్నార్‌లో బీఆర్‌టీయూ జయకేతనం
- హెచ్‌ఎంఎస్‌పై విజయం.. సంబురాల్లో కార్మికులు
పటాన్‌చెరు టౌన్‌, నవంబర్‌ 12: జేకే పెన్నార్‌ పరిశ్రమ కార్మిక సంఘం గుర్తింపు ఎన్నికల్లో బీఆర్‌టీయూ విజయం సాధించింది. గురువారం జరిగిన ఎన్నికల్లో బీఆర్‌టీయూ అభ్యర్థి రాంబాబు సమీప హెచ్‌ఎంఎస్‌ ప్రత్యర్థి సదానందగౌడ్‌పై 13 ఓట్ల మెజారిటీతో గెలుపొందారు. సంఘం గౌరవాధ్యక్షుడిగా ఎమ్మెల్యే గూడెం మహిపాల్‌రెడ్డి, అధ్యక్షుడిగా రాంబాబు యాదవ్‌, ప్రధాన కార్యనిర్వాహక అధ్యక్షుడిగా యాదగిరి యాదవ్‌ ఎన్నికయ్యారు.
అనంతరం బీఆర్‌టీయూ నాయకులు, కార్మికులు ఎమ్మెల్యే గూడెం మహిపాల్‌రెడ్డిని కలిసి కృతజ్ఞతలు తెలిపారు. ఈ సందర్భంగా ఎమ్మెల్యే మాట్లాడు తూ ఎన్నికల్లో ఇచ్చిన హామీలను నూతన కార్యవర్గం చిత్తశుద్ధితో అమలు చేయాలని సూచించారు. ఎమ్మెల్యే మహిపాల్‌రెడ్డి, గూడెం మధుసూదన్‌రెడ్డి సహకారంతో మెరుగైన వేతన ఒప్పందం, ఉద్యోగ భద్రత కల్పించేందుకు కృషి చేస్తామని ఈ సందర్భంగా రాంబాబు, యాదగిరి యాదవ్‌ తెలిపారు.
Comments (0)