టీచర్ల సమస్యలు పరిష్కరించాలి: టీపీటీఎఫ్‌
హైదరాబాద్‌, నవంబర్‌ 12 (నమస్తే తెలంగాణ): మాడల్‌ స్కూల్‌ టీచర్ల దీర్ఘకాలిక సమస్యలను వెంటనే పరిష్కరించాలని తెలంగాణ ప్రోగ్రెసివ్‌ టీచర్స్‌ ఫెడరేషన్‌ (టీపీటీఎఫ్‌) డిమాండ్‌ చేసింది. ఈ మేరకు గురువారం సచివాలయంలో విద్యాశాఖ ముఖ్య కార్యదర్శి యోగితా రాణాను ప్రతినిధులు కలిశారు. మాడల్‌ స్కూల్‌ టీచర్లకు 010 హెడ్‌ అకౌంట్‌ ద్వారా వేతనాలు చెల్లించి, విద్యాశాఖలో విలీనం చేయాలని ఫెడరేషన్‌ అధ్యక్ష, ప్రధాన కార్యదర్శులు చకినాల అనిల్‌ కుమా ర్‌, నన్నెబోయిన తిరుపతి కోరారు. ఉద్యోగులకు ఎంప్లాయీస్‌ హెల్త్‌ స్కీమ్‌ సౌకర్యం కల్పించాలని విజ్ఞప్తిచేశారు. మాడల్‌ స్కూళ్లలో ఖాళీలను భర్తీ చేసి, జూనియర్‌ అసిస్టెంట్‌ పోస్టులను మంజూరు చేయాలని కోరారు.
Comments (0)