కేసీఆర్‌ మళ్లీ సీఎం కావాలని యాదాద్రికి పాదయాత్ర.. సింగాయిపల్లి నుంచి తరలివెళ్లిన బీఆర్ఎస్ శ్రేణులు

21 November 2026 - 12:00
0 0
కేసీఆర్‌ మళ్లీ సీఎం కావాలని యాదాద్రికి పాదయాత్ర.. సింగాయిపల్లి నుంచి తరలివెళ్లిన బీఆర్ఎస్ శ్రేణులు
Brs Padayatra

శామీర్‌పేట్‌: తెలంగాణ తొలి ముఖ్యమంత్రి, బీఆర్‌ఎస్‌ అధినేత కల్వకుంట్ల చంద్రశేఖర్‌రావు తిరిగి ముఖ్యమంత్రి కావాలని ఆకాంక్షిస్తూ మేడ్చల్‌ నియోజకవర్గం తుంకుంట సింగాయిపల్లి నుంచి యాదగిరిగుట్ట వరకు పాదయాత్ర చేపట్టారు. సింగాయిపల్లి బీఆర్‌ఎస్‌ శ్రేణులు, కేసీఆర్‌ అభిమానులు ఈ యాత్రకు శ్రీకారం చుట్టారు.

కారంగుల నర్సింగ్‌రావు, సింగాయిపల్లి బుల్లెట్‌ సాయి మిత్ర బృందం ఆధ్వర్యంలో చేపట్టిన పాదయాత్రను మాజీ కౌన్సిలర్‌ సురేష్‌ శనివారం ప్రారంభించారు. అక్కడి నుంచి యాత్రికులు యాదాద్రి శ్రీ లక్ష్మీనరసింహస్వామి దేవస్థానానికి బయల్దేరారు.

ఈ సందర్భంగా వారు మాట్లాడుతూ.. కాంగ్రెస్‌ పాలనలో ప్రజలకు ఒరిగిందేమీ లేదని విమర్శించారు. ఐ డ్రామాతో సాగుతున్న పాలనలో ప్రజలు అనేక ఇబ్బందులు ఎదుర్కొంటున్నారని ఆరోపించారు. కేసీఆర్‌ మళ్లీ ముఖ్యమంత్రిగా పాలన చేపడితేనే ప్రజలకు మేలు జరుగుతుందని ఆశాభావం వ్యక్తం చేశారు. కేసీఆర్‌ తిరిగి సీఎం కావాలని యాదాద్రి లక్ష్మీనరసింహస్వామిని ప్రార్థించేందుకు పాదయాత్ర చేపట్టినట్లు తెలిపారు. ఈ యాత్రలో శ్రీను, రామకృష్ణ, రజనీకాంత్‌, అరవింద్‌ తదితరులు పాల్గొన్నారు.

Comments (0)

User