Road Accident | పెళ్లి బృందం కారుకు ప్రమాదం.. నలుగురు దుర్మరణం

అమరావతి : పెళ్లి వేడుకలకు వెళ్లి వస్తున్న పెళ్లి బృందానికి (Wedding party) జరిగిన ప్రమాదంలో ( Road Accident ) నలుగురు దుర్మరణం చెందడంతో వారి కుటుంబంలో విషాదఛాయలు నెలకొన్నాయి . ఈ ఘటనలో వధువు, వరుడికి సైతం స్వల్పగాయాలయిన ఘటన ప్రకాశం జిల్లాలో చోటు చేసుకుంది.
తిరుపతి నుంచి బాపట్ల వస్తుండగా ప్రమాదం జరిగింది .వివాహ వేడుకకు హాజరై తిరుగు ప్రయాణంలో కారు పెళ్లూరు సమీపంలో కల్వర్డును ఢీకొట్టింది. ప్రమాదంలో డ్రైవర్ ప్రవీణ్, వెంకట్రావు, సుజాత, సీతామహాలక్ష్మి మృతి చెందగా నూతన వధూవరులు శ్రీతేజ, కౌశల్య స్వల్ప గాయాలతో బయటపడ్డారు. బాధితులను 108 అంబులెన్స్ ద్వారా ఒంగోలు రిమ్స్ ఆసుపత్రికి తరలించారు. డ్రైవర్ నిద్రమత్తు వల్లే ప్రమాదం జరిగినట్లు సమాచారం. ప్రమాదంపై మంత్రి నారా లోకేశ్ సంతాపం తెలిపారు. పోలీసులు కేసు నమోదు చేసుకుని దర్యాప్తు చేస్తున్నారు.
Comments (0)