అదృష్టం కలిసొచ్చేనా?
అచ్చ తెలుగందం శ్రీలీలకు భారీ సినిమాల్లో అవకాశాలైతే వస్తున్నాయి కానీ..ఆశించిన విజయాలు మాత్రం దక్కడం లేదు. ముఖ్యంగా గత కొన్నేళ్లుగా తెలుగులో ఈ భామకు సరైన విజయాలు దక్కడం లేదు. ఈ నేపథ్యంలో శ్రీలీల తమిళ సినీరంగంపై దృష్టి పెట్టింది. ప్రస్తుతం కోలీవుడ్‌లో వరుసగా భారీ సినిమాల్లో నటిస్తున్నది.
ధనుష్‌ ‘ఓం’, అజిత్‌ ‘డేర్‌ డెవిల్‌’ చిత్రాల్లో అవకాశాలు దక్కించుకున్న ఈ భామ..ప్రస్తుతం రజనీకాంత్‌ ‘ధర్మన్‌’లో కీలక పాత్రను పోషిస్తున్నది. ఇటీవలే ఈ సినిమాలో శ్రీలీల పాత్రను పరిచయం చేస్తూ లుక్‌ని విడుదల చేసిన విషయం తెలిసిందే. దీనికి మంచి స్పందన లభించింది. ఈ నేపథ్యంలో తమిళంలో ‘ధర్మన్‌’ చిత్రం తన కెరీర్‌కు ఊపునిస్తుందని, తన దశ మారుతుందనే ఆశాభావంతో ఎదురుచూస్తున్నది శ్రీలీల.
Comments (0)