హౌసింగ్ ఏఈ ఉద‌య్‌కిర‌ణ్‌కు ఎమ్మెల్యే పాయం వెంక‌టేశ్వ‌ర్లు స‌న్మానం

బూర్గంపహాడ్, నవంబర్ 09 : జిల్లాలో గృహ నిర్మాణాల పురోగతిలో బూర్గంపహాడ్ హౌసింగ్ ఏఈ ఉదయ్‌కిరణ్ ప్రథమస్థానం సాధించారు. సోమవారం హౌసింగ్ ఏఈ ఉదయకిరణ్‌ను ఎమ్మెల్యే పాయం వెంకటేశ్వర్లు శాలువాతో సత్కరించి పుష్పగుచ్ఛం అందించి ప్రత్యేకంగా అభినందించారు. మండలంలో 675 ఇళ్లు మంజూరు కాగా వాటి నిర్మాణ పనులు ప్రారంభించి 450 ఇళ్లను పూర్తి చేసినందుకు ఈ సత్కారం దక్కింది. జిల్లాలో ప్రథమస్థానం సాధించడం మండలానికే గర్వకారణమని, ఇదే స్ఫూర్తితో మిగిలిన ఇళ్ల నిర్మాణాలు త్వరితగతిన పూర్తి చేయాలని ఆకాంక్షించారు. ఈ కార్యక్రమంలో ఎంపీడీవో జమలారెడ్డి, తాసీల్దార్ కేఆర్కే ప్రసాద్, కాంగ్రెస్ మండల అధ్యక్షుడు పూలపెల్లి సుధాకర్‌రెడ్డి, జిల్లా కార్యదర్శి వారాల వేణు, సర్పంచ్ మందా నాగరాజు, ఉప సర్పంచ్ గుండె వెంకన్న, ఎడమకంటి సుధాకర్‌రెడ్డి, భజన ప్రసాద్ పాల్గొన్నారు.