కోదాడలో ఈ 11 నుండి 17 వరకు ఉచిత నేత్ర శిబిరం
కోదాడ, న‌వంబ‌ర్ 09 : కాకతీయ సేవా సమితి ఆధ్వర్యంలో ఈ నెల 11 నుండి 17వ తేదీ వరకు శంకర నేత్రాల ఆధ్వర్యంలో ఉచిత నేత్ర చికిత్స శిబిరం నిర్వహించనున్నట్లు ఆ సంఘ బాధ్యులు పేదనాటి వెంకటేశ్వర్లు, రావిళ్ల సీతారామయ్య తెలిపారు. సోమవారం ఒక ప్రకటన విడుదల చేస్తూ ఈ సదవకాశాన్ని నియోజకవర్గ వ్యాప్తంగా ప్రజలు సద్వినియోగం చేసుకోవాలని కోరారు. 16 నుండి 18 వరకు కోదాడలోని కాకతీయ సేవా సమితి భవనంలోని చికిత్సలు నిర్వహించనున్నట్లు వెల్ల‌డించారు. చికిత్స చేయించుకున్న వారికి కళ్ళ అద్దాలు, మందులతో పాటు ఉచిత భోజన వసతి కల్పించనున్నట్టు పేర్కొన్నారు.. అనుభవం గల వైద్యులచే కుట్టు లేకుండా ఉచిత చికిత్సలు చేయించనున్నట్టు తెలిపారు.
Comments (0)