రాష్ట్రస్థాయి బాలిక‌ల‌ కబడ్డీ విజేత‌ నల్లగొండ జ‌ట్టు

– అభినందించిన డీఈవో సుశీందర్ రావు, ఎఎంవో శ్రీనివాస్ గౌడ్

రామగిరి, నవంబర్ 09 : హైదరాబాద్‌లోని పోలీస్ అకాడమీలో నిర్వహించిన పీఎం శ్రీ స్కూల్స్ తెలంగాణ రాష్ట్రస్థాయి కబడ్డీ పోటీల్లో నల్లగొండ జిల్లా బాలికల జట్టు సత్తా చాటింది. 17 ఏళ్లలోపు బాలికల కబడ్డీ విభాగంలో ప్రథమ బహుమతి సాధించడంతో పాటు, మార్చ్‌ఫాస్ట్ విభాగంలోనూ ప్రథమ స్థానాన్ని కైవసం చేసుకుంది. ఈ సందర్భంగా విజేత క్రీడాకారిణులతో పాటు కోచ్, మేనేజర్‌లను జిల్లా విద్యాశాఖ అధికారి సుశీందర్ రావు, జిల్లా విద్యాశాఖ సమగ్ర శిక్ష సెక్టోరియల్ అధికారి ఎ.శ్రీనివాస్ గౌడ్ అభినందించారు. జిల్లా స్థాయిలో క్రీడాకారిణులు సాధించిన ఈ విజయం నల్లగొండ జిల్లాకు గర్వకారణమని పేర్కొంటూ, భవిష్యత్‌లో మరిన్ని విజయాలు సాధించాలని ఆకాంక్షించారు. ఈ కార్యక్రమంలో ఎస్‌జీఎఫ్ కార్యదర్శిని అభినందించారు.