విభిన్న కోణాల ‘ఆల్కహాల్‌’

మానవ ప్రవర్తనలోని విభిన్న కోణాలు, నేరప్రవృత్తి, మనిషి తీసుకునే నిర్ణయాలు వాటి పర్యవసానాల నేపథ్యంలో రూపొందుతున్న విభిన్న కథాచిత్రం ‘ఆల్కహాల్‌’. అల్లరి నరేశ్‌ కథానాయకుడు. మెహర్‌ తేజ్‌ దర్శకుడు. సితార ఎంటర్‌టైన్మెంట్స్‌, ఫార్చ్యూర్‌ఫోర్‌ సినిమాస్‌ కలిసి నిర్మిస్తున్న ఈ చిత్రం డిసెంబర్‌ 18న థియేట్రికల్‌ రిలీజ్‌ కానున్నది. ఈ విషయాన్ని తెలియజేస్తూ గురువారం మేకర్స్‌ ఓ ప్రకటన విడుదల చేశారు.

ఇప్పటికే విడుదలైన ప్రచార చిత్రాలు సినిమాపై అంచనాలు పెంచాయని, ముఖ్యంగా గత చిత్రాలకు భిన్నంగా డిజైన్‌ చేసిన అల్లరి నరేశ్‌ ైస్టెలిష్‌ లుక్‌ సినిమాపై ఆసక్తిని పెంచిందని మేకర్స్‌ తెలిపారు. రుహానీ శర్మ కథానాయికగా నటిస్తున్న ఈ చిత్రంలో నిహారిక ఎన్‌ఎం, సత్య, గిరీష్‌ కులకర్ణి, హర్షవర్ధన్‌, చైతన్యకృష్ణ, రవీంద్రవిజయ్‌, రఘుబాబు, వెంకటేశ్‌ కాకుమాను, కిరీటి దమరాజు కీలక పాత్రధారులు. ఈ చిత్రానికి కెమెరా: జిజు సన్నీ, సంగీతం: గిబ్రాన్‌, నేపథ్య సంగీతం: చేతన్‌ భరద్వాజ్‌, సమర్పణ: శ్రీకర స్టూడియోస్‌, నిర్మాతలు: సూర్యదేవర నాగవంశీ, సాయిసౌజన్య.