యూనివర్సిటీలకు కొత్త రోస్టర్

హైదరాబాద్, నవంబర్ 17 (నమస్తే తెలంగాణ) : యూనివర్సిటీల్లో అసిస్టెంట్ ప్రొఫెసర్ పోస్టులకు కొత్త రోస్టర్ అమల్లోకి రానున్నది. ఇది వరకు విద్యాశాఖ పరిధిలోని వాటికే కొత్త రోస్టర్ అమలవుతుందని భావించగా.. తాజాగా వ్యవసాయశాఖ, అటవీ శాఖల పరిధిలోని యూనివర్సిటీలకు సైతం కొత్త రోస్టర్ అమల్లోకి రానున్నది. వ్యవసాయ, అటవీ, హార్టికల్చర్, వెటర్నరీ విశ్వవిద్యాలయాల్లోని అసిస్టెంట్ ప్రొఫెసర్ పోస్టులకు ఇక నుంచి కొత్త రోస్టర్ విధానం వర్తించనున్నది.
ప్రభుత్వం ఈ వారంలోనే ఆర్టినెన్స్ జారీచేయనున్నది. ఆర్డినెన్స్ జారీకి సంబంధించిన ఫైల్ ప్రస్తుతం సీఎస్ పరిశీలనలో ఉన్నది. న్యాయ నిపుణుల సలహాలు సైతం తీసుకున్నారు. కొత్తగా మరో 150 అసిస్టెంట్ ప్రొఫెసర్ పోస్టుల భర్తీకి అనుమతి ఇవ్వాలని యూనివర్సిటీలు ప్రభుత్వానికి ప్రతిపాదనలు పంపించాయి. తెలంగాణ యూనివర్సిటీ పరిధిలో 37, మహాత్మాగాంధీ యూనివర్సిటీ పరిధిలో 16, జేఎన్టీయూహెచ్లో 100 అసిస్టెంట్ ప్రొఫెసర్ పోస్టులను భర్తీచేసేందుకు అనుమతి ఇవ్వాలని ప్రభుత్వాన్ని కోరాయి. ఇప్పటికే 429 పోస్టుల భర్తీకి ఆర్థికశాఖ అనుమతి ఇవ్వగా, వీటితో పాటే 97 బ్యాక్లాగ్ పోస్టులను సమాంతరంగా భర్తీచేయనున్నారు.
Comments (0)