డీహెచ్లో ఇద్దరు ఏడీల హల్చల్!

- మీడియాకు సమాచారం ఎవరు ఇస్తున్నారంటూ సిబ్బందికి బెదిరింపులు
- ‘నమస్తే తెలంగాణ’ వరుస కథనాలతో ఉలికిపాటు
హైదరాబాద్, నవంబర్ 17 (నమస్తే తెలంగాణ) : రాష్ట్ర వైద్యారోగ్యశాఖలోని డైరెక్టర్ ఆఫ్ హెల్త్(డీహెచ్) విభాగంలో ఇద్దరు అడిషనల్ డైరెక్టర్(ఏడీ)ల ఆగడాలు శృతి మించుతున్నాయనే ఆరోపణలు వెల్లువెత్తుతున్నాయి. ఈ ఇద్దరు అధికారులు సాగిస్తున్న అవినీతిపై నమస్తే తెలంగాణలో ‘ప్రతి ఫైలుకో రేట్ ఫిక్స్!’, ‘ఏవో టు ఏడీ పదోన్నతుల్లో గోల్మాల్!’ కథనాలు ప్రచురితమయ్యాయి.
ఈ కథనాలపై డీహెచ్లో పెద్ద చర్చ నడుస్తుండగా.. ఆ ఇద్దరు అధికారులు మాత్రం మీడియాకు తమ గురించి ఎవరు సమచారం ఇస్తున్నారనేది తెలుసుకునే పనిలో పడ్డారు. ఓ జాబితాను సిద్ధం చేసుకుని మరి మీడియాకు సమాచారం ఇస్తున్న వారిని వదిలేది లేదంటూ బహిరంగంగానే బెదిరింపులకు దిగుతున్నారట. ఆ ఇద్దరు ఏడీల్లో ఒకరు ఓ బీజేపీ ఎంపీకి దగ్గరి బంధువునని చెప్పుకొంటూ చెలామణి అవుతున్నట్టు తెలిసింది. తనపైనే మీడియాకు లీకులు ఇస్తారా..? అని అధికారులపై ఆయన ఆగ్రహం వ్యక్తం చేసినట్టు సమాచారం.
Comments (0)