తీరం వైపు దూసుకొస్తున్న ‘అక్వాన్’

- మూడు రోజులపాటు భారీ వర్షాలు
హైదరాబాద్, నవంబర్ 17 (నమస్తే తెలంగాణ) : బంగాళాఖాతంలో ఏర్పడిన ‘అక్వాన్’ తుపాను క్రమంగా బలపడుతూ తీరం వైపు దూసుకొస్తున్నదని హైదరాబాద్ వాతావరణ కేంద్రం తెలిపింది. ప్రస్తుతం మధ్య బంగాళాఖాతం, దానికి ఆనుకుని ఉన్న పశ్చిమ-మధ్య బంగాళాఖాతంలో కేంద్రీకృతమైందని తెలిపారు. గత ఆరు గంటలుగా గంటకు 3 కి.మీ వేగంతో చాలా నెమ్మదిగా కదులుతున్నదని, రాబోయే 12 గంటల్లో మరింత బలపడి తీవ్ర తుపానుగా మారే అవకాశం ఉందని అంచనా వేస్తున్నట్టు తెలిపింది.
నవంబర్ 19న ఉదయానికి అతి తీవ్ర తుపానుగా రూపాంతరం చెందే సూచనలు ఉన్నట్టు పేర్కొన్నారు. ఉత్తర వాయవ్య దిశగా కదులుతున్న ఈ తుపాను ఈ నెల 20న ఏపీ తీరాన్ని దాటే సమయంలో గంటకు 120 నుంచి 145 కి.మీ వేగంతో ప్రచండ గాలులు వీచే అవకాశం ఉందని, దీని ప్రభావంతో నవంబర్ 20 నుంచి 22 వరకు తెలంగాణవ్యాప్తంగా విస్తారంగా వర్షాలు కురుస్తాయని వాతావరణ శాఖ వెల్లడించింది.
Comments (0)