పెద్దపల్లి ఎంపీ వంశీకృష్ణకు నిరసన సెగ

కాల్వశ్రీరాంపూర్, నవంబర్17: పెద్దపల్లి ఎంపీ వంశీకృష్ణకు కాంగ్రెస్ నాయకులు, సర్పంచుల నుంచే నిరసన సెగ తగిలింది. మంగళవారం పెద్దపల్లి జిల్లా కాల్వశ్రీరాంపూర్లో పింఛన్పత్రాల పంపిణీ కార్యక్రమానికి హాజరయ్యారు. స్థానిక ఎమ్మెల్యే విజయరమణారావు రాకముందే ఎంపీ వంశీకృష్ణ లబ్ధిదారులను ఉద్దేశించి మాట్లాడారు.
ప్రభుత్వ సంక్షేమ కార్యక్రమాలపై వివరించి తిరిగి వెళ్లే సందర్భంలో సర్పంచులు తులా మనోహర్రావు, బంగారి రమేశ్, మాజీ సర్పంచ్ మాదాసి సతీశ్తోపాటు పలువురు కాంగ్రెస్ నాయకులు ఎంపీని అడ్డుకున్నారు. ఎమ్మెల్యే రాకముందే కార్యక్రమాన్ని ప్రారంభించి, ఎలా మాట్లాడతారని ప్రశ్నించారు. ఎంపీ స్టేజీ దిగి అక్కడి నుంచి వెళ్లిపోయారు.
Comments (0)