కాంగ్రెస్ హామీలు చిత్తుకాగితాలు

- మ్యానిఫెస్టోలు చింపి చెత్తబుట్టలో వేయాలని ప్రజలు చూస్తున్నరు
- మూడేండ్ల పాలనలోనే తెలంగాణను పతనం అంచుకు చేర్చింది
- కేసీఆర్ సర్కార్ ఇచ్చిన కరెంటు, నీళ్లు కూడా ఇవ్వలేని దుస్థితి
- మాజీమంత్రి, సూర్యాపేట ఎమ్మెల్యే జగదీశ్రెడ్డి ఆగ్రహం
- ఉద్యోగులు, నిరుద్యోగులు, రైతులు, మహిళలుసహా అన్ని వర్గాలకూ రేవంత్ ద్రోహం: మాజీ మంత్రి వీ శ్రీనివాస్గౌడ్
- కేటీఆర్ సభలతో ప్రభుత్వంలో కదలిక.. ప్రజా పోరాటం కొనసాగిస్తాం : మాజీ ఎమ్మెల్యే బాల సుమన్
హైదరాబాద్, నవంబర్ 17 (నమస్తే తెలంగాణ) : ఎన్నికల ముందు 420 హామీలు, ఆరు గ్యారెంటీలు, వివిధవర్గాల డిక్లరేషన్ల పేరుతో తెలంగాణ ప్రజలను మభ్యపెట్టి అధికారంలోకి వచ్చిన కాంగ్రెస్ పార్టీ.. మూడేండ్ల్ల పాలనలో అన్ని వర్గాల ప్రజలను మోసం చేసిందని బీఆర్ఎస్ నేతలు తీవ్రస్థాయిలో ధ్వజమెత్తారు. రైతులు, యువత, బీసీ, ఎస్సీ, ఎస్టీ, మైనారిటీలు, ఉద్యోగులు, నిరుద్యోగులు, విద్యార్థులు, ఆటో డ్రైవర్లు ఇలా అన్ని వర్గాలకూ ఇచ్చిన హామీలను విస్మరించిందని విమర్శించారు. కాంగ్రెస్ మ్యానిఫెస్టోను ప్రజలు చిత్తుకాగితంలా చూస్తున్నారని, దానినిచింపి చెత్తబుట్టలో వేయాల్సిన సమయం వచ్చిందని చెప్పారు. తెలంగాణభవన్లో మంగళవారం నిర్వహించిన విలేకరుల సమావేశంలో మాజీ మంత్రులు జీ జగదీశ్రెడ్డి, వీ శ్రీనివాస్గౌడ్, మాజీ ఎమ్మెల్యే బాల సుమన్ వేర్వేరుగా మాట్లాడారు. ఈ సందర్భంగా బీఆర్ఎస్ నేతలు కాంగ్రెస్ మ్యానిఫెస్టో, 420 హామీలు, ఆరు గ్యారెంటీల ప్రతులను చించి చెత్తబుట్టలో వేసి నిరసన తెలిపారు.
భస్మాసుర హస్తంగా కాంగ్రెస్ మ్యానిఫెస్టో..
కాంగ్రెస్ ఎన్నికల ముందు కేసీఆర్ ప్రభుత్వం చేసిన పనుల కంటే రెండింతలు, మూడింతలు ఎకువ చేస్తామన్నదని, రైతులు, యువత, బీసీ, ఎస్సీ, ఎస్టీ, మైనారిటీ వర్గాలను వేర్వేరు డిక్లరేషన్ల పేరుతో మోసం చేశారని మండిపడ్డారు. ప్రజలను నమ్మించేందుకు అఫిడవిట్లు, బాండ్ పేపర్లు, దేవుండ్లపై ఒట్టు పెట్టారని, ఎన్నికల సభల్లో తులం బంగారం ఇస్తామని, పింఛన్ల మొత్తాన్ని పెంచుతామని ఊదరగొట్టారని, ఆటో డ్రైవర్లు, విద్యార్థులకు కూడా రకరకాల హామీలు ఇచ్చి మోసం చేశారని అన్నారు. కాలేజీలకు వెళ్లే విద్యార్థినులకు సూటీలు ఇస్తామని చెప్పి ఆ హామీని నెరవేర్చలేదని, రైతు రుణమాఫీ, రైతుబంధు విషయంలోనూ ప్రజలను వంచించారని ఆరోపించారు. ‘కాంగ్రెస్ మ్యానిఫెస్టోను ప్రజలు చిత్తుకాగితాల్లా చూస్తున్నారని, ఇంత చెత్త పాలనను గతంలో ఎన్నడూ చూడలేదని అంటున్నారు. కాంగ్రెస్ ప్రజల గొంతు కోసి, రాష్ట్రాన్ని సర్వనాశనం చేస్తున్నది’ అని ఘాటుగా విమర్శించారు.
గతంలో కేసీఆర్ అందించిన కరెంటు, నీళ్లు కూడా ఇవ్వలేని దుస్థితిలో రేవంత్ ప్రభుత్వం ఉన్నదని మండిపడ్డారు. సరిగ్గా మూడేండ్ల క్రితం నవంబర్ 17న కాంగ్రెస్ మ్యానిఫెస్టోను విడుదల చేసిందని గుర్తుచేస్తూ, ఆ రోజును తెలంగాణకు బ్లాక్ డేగా మార్చారు. ‘అభయహస్తం’ భస్మాసుర హస్తంగా మారింది’ అని మండిపడ్డారు. కేసీఆర్ మళ్లీ ముఖ్యమంత్రి కావాలని ప్రజలు కోరుకుంటున్నారని చెప్పారు. కాంగ్రెస్కు ప్రజా సంక్షేమం కంటే డబ్బులు సంపాదించడమే ముఖ్యమైందని, రాబోయే రోజుల్లో కాంగ్రెస్ భూస్థాపితం కావడం ఖాయమని అన్నారు. సమ్మక-సారక బ్యారేజీకి అనుమతుల కోసం సీఎం రేవంత్రెడ్డి, మంత్రి ఉత్తమ్కుమార్రెడ్డి ఇప్పుడు ఛత్తీస్గఢ్కు వెళ్లారని, కేసీఆర్ మళ్లీ ముఖ్యమంత్రిగా ఉండిఉంటే ఇప్పటికే ప్రాజెక్టులకు అనుమతులు వచ్చి ఉండేవని చెప్పా రు. హైదరాబాద్లో నీటి కొరత లేదని మం త్రి ఉత్తమ్కు మాత్రమే అనిపిస్తున్నదని, ప్రజ ల వద్దకువెళ్తే వాస్తవపరిస్థితి తెలుస్తుందని సూచించారు. గోదావరి, కృష్ణా జలాలను చంద్రబాబుకు దక్షిణగా తరలించారనే ఆరోపణ నూటికి నూరుపాళ్లు నిజమని అన్నారు.
ప్రభుత్వాన్నే ప్రజలు సస్పెండ్ చేస్తారు..
కాంగ్రెస్ నేతలు ఇచ్చిన హామీలు, చేసిన మోసాలకు వేరే దేశాల్లో అయితే కఠిన శిక్షలు విధించేవారని మాజీ మంత్రి వీ శ్రీనివాస్గౌడ్ అన్నారు. మ్యానిఫెస్టో అంటే ఐదేండ్లలో అమలు చేయాల్సిన పత్రం అని, కానీ కాంగ్రెస్ నాయకులు వంద రోజుల్లోనే అన్ని హామీలు నెరవేరుస్తామని బాండ్ పేపర్లు రాసిచ్చి ప్రజలను దగా చేశారని విమర్శించారు. ఇటీవల హైదరాబాద్కు వచ్చిన రాహుల్గాంధీ తెలంగాణ ప్రజలకు ఇచ్చిన హామీలను గుర్తు చేసుకున్నారా? అని ప్రశ్నించారు. అశోక్నగర్ లైబ్రరీకి వెళ్లి నిరుద్యోగులతో కలిసి చాయ్ తాగి, వారి సమస్యలు తెలుసుకునే ధైర్యం ఎందుకు చేయలేదు? అని నిలదీశారు.
గోదావరి నుంచి 750 టీఎంసీలు, కృష్ణా నుంచి 250 టీఎంసీల నీటిని ఏపీకి ధారాదత్తం చేశారని శ్రీనివాస్గౌడ్ ఆరోపించారు. సీపీఎస్ రద్దు కోసం ఉద్యమిస్తున్న ప్రభుత్వ ఉద్యోగులు, ఉపాధ్యాయులను బెదిరించడం సరికాదని హితవు పలికారు. సెలవు పెడితే ప్రభుత్వ ఉద్యోగులను సస్పెండ్ చేస్తామని బెదిరించడం ఏందని మండిపడ్డారు. ‘దమ్ముంటే ఉద్యోగులను సస్పెండ్ చేయండి. కాంగ్రెస్ ప్రభుత్వాన్నే ప్రజలు సస్పెండ్ చేస్తారు’ అని హెచ్చరించారు. సీపీఎస్ రద్దు కోసం పోరాడుతున్న ఉద్యోగులకు బీఆర్ఎస్ అండగా ఉంటుందనని స్పష్టం చేశారు. కేటీఆర్ ప్రజలపక్షాన నిలబడి పోరాడుతూ ప్రభుత్వ మెడలు వంచుతున్నారని ప్రశంసించారు.
కేటీఆర్ సభలంటేనే ప్రభుత్వంలో వణుకు..
కేటీఆర్ సభలంటేనే కాంగ్రెస్ సర్కార్ వెన్నులో వణుకుతున్నదని, అందుకే సభలు పెట్టినప్పుడల్లా ప్రభుత్వంలో కదలిక వస్తున్నదని మాజీ ఎమ్మెల్యే బాల సుమన్ అన్నారు. అక్టోబర్ 14న గోదావరిఖనిలో సింగరేణి కార్మిక గర్జన పెట్టామని, అప్పటి వరకు సింగరేణి కార్మికులకు లాభాల వాటా ప్రకటించలేదని, లాభాల్లో వాటా ఎగ్గొట్టేందుకు ప్రభుత్వం కుట్రలు చేసిందని దుయ్యబట్టారు. కేటీఆర్ బహిరంగ సభ నేపథ్యంలో ఒక రోజు ముందు అక్టోబర్ 13న డిప్యూటీ సీఎం భట్టి విక్రమార, సింగరేణి అధికారులు కూర్చొని లాభాల్లో 34 వాటా ప్రకటించారని స్పష్టం చేశారు.
నవంబర్ 1న ఆదిలాబాద్లో రైతు గర్జన పెట్టామని చెప్పారు. దానికి రెండు రోజుల ముందు 365 కరువు మండలాలను ప్రకటించారని గుర్తు చేశారు. నిర్మల్లో నవంబర్ 11న రైతుగర్జన నిర్వహిస్తే రెండు రోజుల ముందు కొడంగల్ వెళ్లి మూడు రోజులు రైతు మహాసభ పేరుతో హడావిడి చేశారని చెప్పారు. తాము పెడుతున్న సభలు ఒక రకంగా ప్రభుత్వంపై పోరాటమేనని స్పష్టంచేశారు. రాబోయే రోజుల్లో సైతం ఈ పోరాటం మరింత ఉదృతంగా కొనసాగుతుందని స్పష్టం చేశారు. ఈ సమావేశంలో మాజీ ఎమ్మెల్యేలు నలమోతు భాసర్రావు, కంచర్ల భూపాల్రెడ్డి, మెతుకు ఆనంద్, ముత్తిరెడ్డి యాదగిరిరెడ్డి, బీఆర్ఎస్స్వీ రాష్ట్ర అధ్యక్షుడు గెల్లు శ్రీనివాస్యాదవ్, కార్పొరేషన్ మాజీ చైర్మన్ వెంకటేశ్వర్రెడ్డి పాల్గొన్నారు.
Comments (0)