వికారాబాద్లో లారీ బీభత్సం.. ఒకే కుటుంబానికి చెందిన నలుగురు మృతి

వికారాబాద్ జిల్లాలో ఘోర రోడ్డు ప్రమాదం తీవ్ర విషాదాన్ని నింపింది. బుగ్గ రామేశ్వరం సమీపంలోని మలుపు వద్ద ఆటోను లారీ ఢీకొట్టడంతో నలుగురు ప్రాణాలు కోల్పోయారు. మృతుల్లో ఆటో డ్రైవర్తో పాటు ముగ్గురు మహిళలు ఉన్నారు. వీరంతా ఒకే కుటుంబానికి చెందిన వారిగా సమాచారం.
పెండ్లిమడుగు నుంచి కేరెల్లి వైపు ఆటో వెళ్తుండగా బుగ్గ రామేశ్వరం సమీపంలోని మలుపు వద్ద లారీ ఢీకొట్టింది. లారీ ఢీకొన్న తీవ్రతకు ఆటోలో ప్రయాణిస్తున్న నలుగురు అక్కడికక్కడే మృతి చెందారు. మృతులను నాగేశ్, చంద్రమ్మ, పార్వతమ్మ, సరితగా గుర్తించారు. ప్రమాద వార్త తెలియడంతో కుటుంబ సభ్యులు, బంధువులు కన్నీరుమున్నీరయ్యారు.
ఒక్కసారిగా జరిగిన ప్రమాదంతో స్థానికంగా కలకలం రేగింది. సమాచారం అందుకున్న పోలీసులు ఘటనాస్థలికి చేరుకుని వివరాలు సేకరించారు.
Comments (0)