బస్సు-ట్రక్కు ఢీ.. 26 మంది మృతి
- మృతుల్లో ఎక్కువ మంది విద్యార్థులే
- అస్సాంలో దారుణ ఘటన
దిస్పూర్‌ : అస్సాంలో జరిగిన ఘోర రోడ్డు ప్రమాదంలో 26 మంది ప్రయాణికులు చనిపోయారు. వీరిలో విద్యార్థులే ఎక్కువ. గోలాఘాట్‌ జిల్లా పరిధిలోని రంగాజన్‌ వద్ద జాతీయ రహదారి-715పై ఈ ప్రమాదం జరిగింది. గాలాఘాట్‌ నుంచి నాగాప్‌కు వెళ్తున్న మినీబస్సు ఎదురుగా వస్తున్న కంటైనర్‌ ట్రక్కును బలంగా ఢీకొట్టొంది.
ఈ ప్రమాదంలో బస్సు నుజ్జునుజ్జయింది. 15మంది అక్కడికక్కడే ప్రాణాలు కోల్పోగా.. 8 మంది దవాఖానలో చికిత్స పొందుతూ చనిపోయారు. మృతుల సంఖ్య ఇంకా పెరిగే అవకాశాలున్నాయి. కజిరంగా పార్కు సమీపంలో మినీ బస్సు అధిక వేగంతో ప్రయాణించడమే ప్రమాదానికి కారణం అని ప్రాథమికంగా పోలీసులు అంచనా వేస్తున్నారు.
Comments (0)