ప్రియుడి కోసం టవర్ ఎక్కిన యువతి

- పెండ్లికి ఒప్పుకోవాలని డిమాండ్
లక్నో : యూపీలో ఓ యువతి తన ప్రియుడితో పెండ్లి కోసం టవర్ ఎక్కింది. మహారాజ్గంజ్ జిల్లా బైఠ్వాలియా గ్రామానికి చెందిన 18 ఏండ్ల యువతి నిచ్లౌల్ పోలీస్ స్టేషన్ పరిధిలోని శిష్గఢ్ గ్రామానికి చెందిన యువకుడు ప్రేమించుకున్నారు. వీరి పెండ్లికి కుల భేదాలు అడ్డురావడంతో పెద్దలు ఒప్పుకోలేదు. దీంతో యువతి ఆదివారం ఉదయం దగ్గర్లో ఉన్న మొబైల్ టవర్ ఎక్కి ప్రియుడి కుటుంబాన్ని పెండ్లికి ఒప్పించాలని డిమాండ్ చేసింది. తన ప్రియుడితో చేసిన వాట్సాప్ చాట్ ప్రతులను కిందకు విసిరేసింది. ఎంత చెప్పినా కిందకు దిగకపోవడంతో పోలీసులు వచ్చి సుదీర్ఘ చర్చలు జరిపారు. ప్రియుడితో మాట్లాడుతామని పోలీసులు హామీ ఇవ్వడంతో చివరకు దిగింది.
Comments (0)