ఇమ్రాన్తో 2021లో భేటీ కావాలనుకొన్న మోదీ!

న్యూఢిల్లీ : భారత ప్రధాని నరేంద్ర మోదీ 2021 ఏప్రిల్లో పాకిస్థాన్ ప్రధాని ఇమ్రాన్ ఖాన్తో భేటీ కావాలని అనుకున్నారని అంతర్జాతీయ వ్యూహాత్మక అధ్యయనాల సంస్థ (ఐఐఎస్ఎస్) విడుదల చేసిన తాజా పరిశోధన పత్రం తెలిపింది. బలూచిస్థాన్ లో ఉన్న హింగ్లాజ్ మాత ఆలయాన్ని(శక్తిపీఠంగా భావించే గుడి) దర్శించాక ఇమ్రాన్ తో మోదీ సమావేశం కావాలనుకొన్నారని వెల్లడించింది. భారత్-పాకిస్థాన్ సంబంధాలను మెరుగుపరిచేందుకు తెర వెనుక జరిగిన దౌత్య ప్రయత్నాల్లో భాగంగానే ఈ ప్రతిపాదన వచ్చిందని ‘భారత్-పాకిస్థాన్ మధ్య తెర వెనుక చర్చల పరిస్థితి’ పేరుతో వెలువడిన ఈ పత్రం పేర్కొన్నది.
Comments (0)