ఇప్పటికీ దంపతులమే

సినీ సెలబ్రిటీల వైవాహిక జీవితాలపై సోషల్ మీడియాలో రూమర్లు రావడం కామన్. ఈ విషయంలో టాలీవుడ్ జంట కృష్ణవంశీ, రమ్యకృష్ణలు కూడా బాధితులే. కానీ తమపై వస్తున్న రూమర్లపై ఎప్పుడూ ఈ జంట స్పందించలేదు. అయితే.. ఇన్నాళ్లకు వాటన్నింటికీ చెక్ పెడుతూ తమ వ్యక్తిగత జీవితం గురించి ఓ పాడ్ కాస్ట్లో మాట్లాడారు రమ్యకృష్ణ. ‘మా పళ్లై 20 ఏళ్లు. అయినా మాపై రూమర్లు వస్తూనే ఉన్నాయి. ఈ గాలి వార్తలు సృష్టించేవారందరికీ నేను చెప్పేదొక్కటే.. నేను, కృష్ణవంశీ ఇప్పటికీ భార్యభర్తలమే.
మా అబ్బాయి పుట్టినప్పుడు చెన్నై-హైదరాబాద్ ఎక్కువగా ట్రావెల్ చేసేదాన్ని. దాంతో వాడి ఆరోగ్యం దెబ్బతినింది. అందుకే ఇక చెన్నైలోనే ఉండాలని ఫిక్స్ అయ్యాను. పిల్లాడి ఆరోగ్యరీత్యా సంతోషంగా వేర్వేరు ప్రాంతాల్లో ఉంటున్నాం. కృష్ణవంశీ నా వర్క్లోకి రారు. నేను ఆయన వర్క్లోకి వెళ్లను. ఇద్దరం ఒకర్నొకరం గౌరవించుకుంటూ జీవితాన్ని సాగిస్తున్నాం. దూరంగా ఉంటున్నా.. మేం ఇప్పటికీ దంపతులమే..’ అంటూ రమ్యకృష్ణ స్పష్టం చేశారు.
Comments (0)