ఇది మా నాన్నకు నచ్చిన సినిమా

‘దుల్కర్ ఫ్యాన్స్కీ, నా ఫ్యాన్స్కీ హాయ్ హాయ్.. నటుడిగా దుల్కర్ది వైవిద్యమైన ప్రయాణం. భాషలకు అతీతంగా అభిమానులను సంపాదించుకున్నారాయన. మెగాస్టార్ మమ్ముట్టి తనయుడైనా డౌన్టు ఎర్త్గానే ఉంటారు దుల్కర్. ప్యాషన్తో కథలను ఎంచుకుంటారు. నిర్మాతగా కూడా సక్సెస్ అయ్యారు. కచ్చితంగా ఈ సినిమాలో కూడా ఆయన పాత్ర గొప్పగానే ఉంటుందని నా నమ్మకం. సాత్వికకు ఈ సినిమా అద్భుతమైన లాంచింగ్. పవన్ సాధినేని వెరీ టాలెంటెడ్ డైరెక్టర్. అద్భుతంగా తీసుంటాడు. మా నాన్న అరవింద్గారికి ఈ సినిమా బాగా నచ్చింది. గీతాఆర్ట్స్, వైజయంతీ మూవీస్ కలిసి తీసిన ఈ సినిమా తప్పకుండా విజయం సాధిస్తుంది’ అని అతిథిగా విచ్చేసిన అగ్ర హీరో అల్లు అర్జున్ నమ్మకం వెలిబుచ్చారు.
దుల్కర్ సల్మాన్ ప్రధాన పాత్ర పోషించిన ఎమోషనల్ ఎంటర్టైనర్ ‘ఆకాశంలో ఒక తార’. సాత్విక వీరవల్లి కథానాయిక. పవన్ సాధినేని దర్శకుడు. అల్లు అరవింద్, స్వప్నదత్, సందీప్ గుణ్ణం, రమ్య గుణ్ణం నిర్మాతలు. ఈనెల 20న సినిమా విడుదల కానున్నది. ఈ సందర్భంగా ఆదివారం జరిగిన ఈ సినిమా ప్రీరిలీజ్ ఈవెంట్లో అల్లు అర్జున్ మాట్లాడారు. చిత్ర కథానాయకుడు దుల్కర్ సల్మాన్ మాట్లాడుతూ “సీతారామం’ తర్వాత విన్న కథ ఇది. ఈ కథ విన్నప్పుడు నా కెరీర్లోనే స్పెషల్ మూవీ అనిపించింది. ఇందులో నా పాత్ర కొత్తగా ఉంటుంది.
అద్భుతమైన టీమ్ ఈ సినిమాకు పనిచేసింది. పవన్ సాధినేని క్లారిటీతో సినిమా తీశాడు. ఈ సినిమాతో సాత్విక స్టార్ కాబోతున్నారు. ఈ వేడుకకు అతిథిగా విచ్చేసిన మిత్రుడు అల్లు అర్జున్కు ధన్యవాదాలు’ అన్నారు. ‘2020లో ఈ కథ రాశాను. రాస్తున్నప్పుడే ఎమోషనల్గా అనిపించింది. నాతోపాటు టీమ్ అంతా ఈ కథను నమ్మారు. ఆ నమ్మకంతోనే ప్రాణం పెట్టి పనిచేశారు. 13ఏళ్ల నా కెరీర్కి సంబంధించిన అలసట ప్రేమగా మారితే.. అదే ‘ఆకాశంలో ఒక తార” అని దర్శకుడు పవన్ సాధినేని చెప్పారు. ఇంకా చిత్రబృందమంతా మాట్లాడారు.
Comments (0)