తెరాటిగూడెం గ్రామవాసి కత్తి స్వాతికి జేఎన్టీయూహెచ్ డాక్టరేట్

నీలగిరి, నవంబర్ 16 : నల్లగొండ జిల్లా గుర్రంపోడు మండలం తెరాటిగూడెం గ్రామానికి చెందిన కత్తి గోవర్ధన్ రెడ్డి కుమార్తె కత్తి స్వాతికి జేఎన్టీయూహెచ్ డాక్టరేట్ లభించింది. హైదరాబాద్లోని జవహర్లాల్ నెహ్రూ సాంకేతిక విశ్వవిద్యాలయం (జేఎన్టీయూహెచ్)లో సోమవారం నిర్వహించిన వైవా వోస్ను విజయవంతంగా పూర్తి చేసింది. సీవీఆర్ ఇంజినీరింగ్ కళాశాలలో అధ్యాపకురాలిగా పనిచేస్తున్న కత్తి స్వాతి, జేఎన్టీయూహెచ్ సీనియర్ ప్రొఫెసర్ డాక్టర్ జి.నరసింహ పర్యవేక్షణలో తన పరిశోధనను పూర్తి చేశారు. ఇంటెలిజెంట్ నెట్వర్క్ ట్రాఫిక్ విశ్లేషణలో డీప్ లెర్నింగ్ నమూనాల సామర్థ్యాన్ని మెరుగుపరిచే అంశాలపై ఆమె పరిశోధన సాగింది. ఈ అంశంపై పరిశోధనా సిద్ధాంత గ్రంథాన్ని సమర్పించి, వైవా వోస్ను విజయవంతంగా పూర్తి చేయడంతో డాక్టరేట్ పట్టా పొందేందుకు అర్హత సాధించింది. ఈ సందర్భంగా సీవీఆర్ ఇంజినీరింగ్ కళాశాల యాజమాన్యం, ప్రిన్సిపాల్, అధ్యాపకులు, సిబ్బంది, కుటుంబ సభ్యులు, గ్రామస్థులు ఆమెను అభినందించారు.
Comments (0)