ఆ విషయం జట్టు మొత్తానికీ తెలుసు

19 November 2026 - 07:00
0 0
ఆ విషయం జట్టు మొత్తానికీ తెలుసు
David Warner
  • మా ముగ్గుర్నే బలిపశువులను చేశారు
  • ‘శాండ్‌పేపర్‌ గేట్‌’ వివాదంలో ఆస్ట్రేలియా ఆటగాడు బాన్‌క్రాఫ్ట్‌ ఆరోపణలు

మెల్‌బోర్న్‌: ఎనిమిదేండ్ల క్రితం ప్రపంచ క్రికెట్‌ను కుదిపేసి ఆటకు మచ్చ తెచ్చిన ‘శాండ్‌పేపర్‌గేట్‌’ వివాదం మరోసారి క్రికెట్‌ ఆస్ట్రేలియా (సీఏ)ను ఉక్కిరిబిక్కిరి చేస్తోంది. ఆ జట్టు మాజీ క్రికెటర్‌ ఉస్మాన్‌ ఖవాజా ఆత్మకథ ‘సబ్‌:్ర ఫైండింగ్‌ మై వే ఇన్‌ క్రికెట్‌ అండ్‌ లైఫ్‌’లో లేవనెత్తిన అంశాలతో మొదలైన ఈ చర్చ రోజుకో మలుపు తిరుగుతోంది. నాటి బాల్‌ టాంపరింగ్‌ విషయం జట్టుకంతటికీ తెలుసుననీ కానీ కావాలనే ఉద్దేశపూర్వకంగా తమ ముగ్గురి (స్టీవ్‌ స్మిత్‌, డేవిడ్‌ వార్నర్‌, కామెరూన్‌ బాన్‌క్రాఫ్ట్‌)నే బలిపశువులను చేశారని అప్పుడు నిషేధం ఎదుర్కుని తర్వాత ఆటకు దూరమైన బాన్‌క్రాఫ్ట్‌ ఆరోపించాడు.

‘గత ఎనిమిదేండ్లుగా నేను ఈ భారాన్ని మోస్తున్నా. ఇది నా శక్తికి మించిన బరువు. అందరికోసం నేను బలిపశువునయ్యాను. దక్షిణాఫ్రికాలో నేను శాండ్‌పేపర్‌ వాడిన విషయం స్మిత్‌, వార్నర్‌కు మాత్రమే కాదు.. జట్టు మొత్తానికీ తెలుసు. క్రికెట్‌ ఆస్ట్రేలియా విచారణలో నన్ను ప్రశ్నించినప్పుడు నేను పూర్తి నిజాయితీతో కూడిన వివరణ ఇవ్వలేకపోయాను’ అని ఓ వ్యాసంలో పేర్కొన్నాడు. ఈ వివాదం చినికిచినికి గాలివానగా మారుతున్న నేపథ్యంలో సీఏ దీనిపై స్వతంత్ర విచారణ చేయిస్తామని తెలిపింది. విచారణకు ముందుకొచ్చే వ్యక్తుల గోప్యతను కాపాడతామని, స్వతంత్రంగా పనిచేసే సంస్థకు విచారణ బాధ్యతలు అప్పజెప్తామని వెల్లడించింది. కాగా ఈ విషయంలో బహిరంగ విచారణ చేయాలని వార్నర్‌ డిమాండ్‌ చేశాడు.

Comments (0)

User