రాష్ట్రంలో కోరలు చాస్తున్న అవినీతి

19 November 2026 - 07:00
0 0
రాష్ట్రంలో కోరలు చాస్తున్న అవినీతి
18
  • లంచంతో ఏసీబీకి చిక్కిన సర్పంచ్‌
  • గ్రానైట్‌ క్వారీ నిర్వాహకుల నుంచి డిమాండ్‌
  • మహబూబాబాద్‌ జిల్లా తండాలో ఘటన
  • పబ్లిక్‌ ప్రాసిక్యూటర్‌ పట్టివేత
  • హత్య కేసు నిందితుడి నుంచి లంచం

రాష్ట్రంలో అవినీతి కోరలు చాస్తున్నది.. అధికారులే కాదు.. ఏకంగా ప్రజాప్రతినిధులు, పబ్లిక్‌ ప్రాసిక్యూటర్‌ సైతం ఏబీసీకి పట్టుబడటం అతినీతి పరాకాష్టకు అద్దంపడుతున్నది. రాష్ట్రంలో ఎన్నడూలేని విధంగా బుధవారం ఓ సర్పంచ్‌ రూ. 2 లక్షలు లంచం తీసుకుంటూ చిక్కగా, ఆర్థిక స్థోమత లేని కక్షిదారుల తరఫున ఉచితంగా కేసులు వాదించాల్సిన పబ్లిక్‌ ప్రాసిక్యూటర్‌ సైతం ఆమ్యామ్యాలు పుచ్చుకుంటూ దొరుకడం సంచలనం సృష్టించింది.

మహబూబాబాద్‌, నవంబర్‌ 18 (నమస్తే తెలంగాణ) : ఇప్పటి వరకు అధికారులు లంచం పుచ్చుకుంటూ అవినీతి నిరోధక శాఖ అధికారులకు పట్టుబడటం చూశాం. కానీ రాష్ట్రంలో ఎన్నడూలేని విధంగా ఓ సర్పంచ్‌ ఏసీబీకి చిక్కిన వైనం సంచలనం సృష్టించింది. ఏసీబీ వరంగల్‌ డీఎస్పీ సాంబయ్య తెలిపిన వివరాల ప్రకారం.. మహబూబాబాద్‌ జిలా ్ల సీరోలు మండలం మోదుగడ్డ తండా శివారులో శారద స్టోనెక్స్‌, ప్రీమియర్‌ గ్రానైట్స్‌ , రాశి గ్రానైట్స్‌ క్వారీలు కొనసాగుతున్నాయి.

వీటి వ్యాపార కార్యకలాపాలకు ఆటంకం లేకుండా చూసేందుకు స్థానిక సర్పంచ్‌ ధరావత్‌ వీరు ఇటీవల రూ.30 లక్షలు డిమాండ్‌ చేశాడు. వ్యాపారులు ఒప్పుకోకపోవడంతో రూ.13 లక్షలకు తగ్గించాడు. దీంతో విసుగు చెందిన గ్రానైటీ క్వారీల వ్యాపారుల్లో ఒకరు ఏసీబీని ఆశ్రయించారు. బుధవారం ఖమ్మంలోని ఓ క్వారీ కార్యాలయంలో సర్పంచ్‌ ధరావత్‌ వీరు రూ.2 లక్షలు లంచం తీసుకుంటుండగా ఏసీబీ అధికారులు రెడ్‌హ్యాండెడ్‌గా పట్టుకున్నారు. ప్రజాప్రతినిధిగా పదవిని దుర్వినియోగం చేసి అక్రమంగా ప్రయోజనం పొందేందుకు యత్నించినందుకు ధరావత్‌ వీరును అరెస్ట్‌ చేసి, వరంగల్‌లోని ఎస్‌పీఈ, ఏసీబీ కేసుల ప్రత్యేక కోర్టు ముందు హాజరుపర్చారు.

Comments (0)

User