హైదరాబాద్‌ రెండో ఓటమి

19 November 2026 - 07:00
0 0
హైదరాబాద్‌ రెండో ఓటమి
Hyderabad Cricket Team

కోల్‌కతా: సయ్యద్‌ ముస్తాక్‌ అలీ టీ20 ట్రోఫీ (స్మాట్‌)లో హైదరాబాద్‌ జట్టుకు రెండో పరాభవం ఎదురైంది. గత మ్యాచ్‌లో ఛత్తీస్‌గఢ్‌ను ఓడించిన జోష్‌లో ఉన్న మిలింద్‌ సేన.. గురువారం విదర్భతో జరిగిన గ్రూప్‌-డీ పోరులో బ్యాట్‌తో రెచ్చిపోయినా బంతితో విఫలమై 3 వికెట్ల తేడాతో పరాజయం పాలైంది. హైదరాబాద్‌ ఇచ్చిన 198 పరుగుల లక్ష్యాన్ని విదర్భ.. 19.2 ఓవర్లలో 7 వికెట్లు కోల్పోయి ఛేదించింది.

కెప్టెన్‌ అథర్వ థైడె (45 బంతుల్లో 11 ఫోర్లు, 3 సిక్స్‌లతో 82) దూకుడైన ఆటకు తోడు ఆఖర్లో వరుణ్‌ బిస్త్‌ (6 బంతుల్లో 3 సిక్స్‌లతో 22 నాటౌట్‌) మెరుపులతో ఆ జట్టును గెలిపించారు. తొలుత తన్మయ్‌ అగర్వాల్‌ (49), కొడిమెల హిమతేజ (41) రాణించడంతో హైదరాబాద్‌ నిర్ణీత ఓవర్లకు 195/8 స్కోరు చేసింది. శుక్రవారం జరిగే తర్వాతి మ్యాచ్‌లో గోవాతో హైదరాబాద్‌ తలపడనుంది.

Comments (0)

User