తుంగతుర్తి జూనియర్ కోర్టు నూతన జడ్జి బాధ్యతలు స్వీకరణ

తుంగతుర్తి, న‌వంబ‌ర్ 12 : తుంగతుర్తి జూనియర్ సివిల్ కోర్టు నూత‌న జ‌డ్జిగా మహమ్మద్ మునవార్ హుస్సేన్ గురువారం బాధ్యతలు స్వీకరించారు. ఈ సందర్భంగా తుంగతుర్తి బార్ అసోసియేషన్ ఆధ్వర్యంలో ఘనంగా స్వాగతం పలికి శాలువాల‌తో సత్కరించి బొకే అందజేశారు. అనంతరం న్యాయమూర్తి మహమ్మద్ మునవార్ హుస్సేన్ మాట్లాడుతూ.. న్యాయవాదుల సహకారంతో న్యాయస్థాన కార్యకలాపాలు సజావుగా సాగేందుకు కృషి చేస్తామని తెలిపారు. న్యాయవాదులు సైతం న్యాయవ్యవస్థ గౌరవ ప్రతిష్ఠలను కాపాడుతూ, కక్షిదారులకు సత్వర న్యాయం అందించడంలో తమ వంతు సహకారం అందించాల‌ని కోరారు. ఈ కార్యక్రమంలో బార్ అసోసియేషన్ అధ్యక్షుడు అన్నెపర్తి జ్ఞాన సుందర్, బార్ అసోసియేషన్ జనరల్ సెక్రటరీ టి.హరిచరణ్, జాయింట్ సెక్రటరీ మల్లెపాక రవి, సీనియర్ న్యాయవాదులు జె.కుమారస్వామి, కె.వెంకటేశ్వర్లు, టి.సత్యనారాయణ, ఎస్‌కే వజీర్, బి.ప్రతాప్, వేణురాజ్ యాదవ్, జె.చంద్రమౌళి, నాగరాజ్, రాజారాం, ఓర్సు రాజు , సైదులు, శ్రీనివాస్ పాల్గొన్నారు.