ఏఐతో శాశ్వత నిరుద్యోగం.. ఎవరికీ ఉద్యోగాలు ఉండవు

19 November 2026 - 01:30
0 0
ఏఐతో శాశ్వత నిరుద్యోగం.. ఎవరికీ ఉద్యోగాలు ఉండవు
01
  • 2027 నాటికి సూపర్‌ హ్యూమన్‌ ఏఐ
  • ప్రభుత్వ సంక్షేమ పథకాలపై ఆధారపడాల్సి రావొచ్చు
  • ఆంత్రోపిక్‌ పరిశోధకుడు టావోలిన్‌ అంచనా

న్యూఢిల్లీ, నవంబర్‌ 18 : రాబోయే కొన్ని ఏండ్లలో మానవుల స్థానాన్ని కృత్రిమ మేధ భర్తీ చేస్తుందా? ఇక మనుషులు ప్రభుత్వ పథకాలపై ఆధారపడి జీవనం సాగించాల్సిందేనా? అంటే అవునని అంటున్నారు ప్రముఖ ఏఐ సంస్థ ఆంత్రోపిక్‌ పరిశోధకుడు టావో లిన్‌. పాలిసేడ్‌ రిసెర్చ్‌కు ఇచ్చిన ఇంటర్వ్యూలో మాట్లాడుతూ 2027 చివరి నాటికి దాదాపు అన్ని రంగాల్లో అత్యుత్తమ మానవ నిపుణుల సామర్థ్యాన్ని మించే ఏఐ వ్యవస్థలు అందుబాటులోకి రావచ్చని ఆయన అంచనా వేశారు. ఆ తర్వాత క్రమంగా ప్రపంచమంతటా మనుషులకు ఉద్యోగాలు దొరకని పరిస్థితి ఏర్పడుతుందని, మనిషి మనుగడకు ప్రభుత్వాలే దిక్కని అభిప్రాయపడ్డారు.

మరో 1.3 ఏండ్లలో లేదా 2027 చివరి నాటికి ‘బ్రాడ్లీ సూపర్‌హ్యూమన్‌ ఏఐ’ అందుబాటులోకి రావచ్చునని చెప్పారు. అంటే ప్రతి రంగంలో అత్యుత్తమ నిపుణులతో సమానంగా లేదా అంతకంటే మెరుగ్గా పనిచేయగల వ్యవస్థలు ఏర్పడుతాయని వివరించారు. మనుషులు చేసే పనులను యంత్రాలే నిర్వహిస్తాయని పేర్కొన్నారు. ఉద్యోగాలు కోల్పోయిన వారు ఇతర రంగాలకు మారాల్సి రావచ్చని, అయితే కొంతకాలం తర్వాత అక్కడ కూడా ఏఐ పోటీని తట్టుకోలేని పరిస్థితి ఏర్పడతుందని అన్నారు. చివరకు ప్రపంచంలోని అందరూ శాశ్వతంగా నిరుద్యోగులుగా మారుతారని అభిప్రాయపడ్డారు.

Comments (0)

User