ఏఐ టెక్నాలజీతో ‘కిరికిరి’

23 November 2026 - 00:30
0 0
ఏఐ టెక్నాలజీతో ‘కిరికిరి’
01

సాహస యాత్రికుడు భరద్వాజ్‌ దాయాల దర్శకుడిగా పరిచయం అవుతున్న చిత్రం ‘కిరికిరి’. ఏఐ టెక్నాలజీని ఉపయోగిస్తూ హైబ్రీడ్‌ సాంకేతికతతో ఈ సినిమాను రూపొందిస్తున్నట్టు ఆయన తెలిపారు. వన్‌ మ్యాన్‌ షో ఫిల్మ్స్‌ పతాకంపై రవికాంత్‌ వీరేపల్లి నిర్మిస్తున్న ఈ చిత్రం రెగ్యులర్‌ మేకింగ్‌ను అగ్ర నిర్మాత దిల్‌ రాజు క్లాప్‌తో మొదలుపెట్టారు. ఈ సందర్భంగా చిత్రబృందానికి దిల్‌ రాజు శుభాకాంక్షలు అందించారు.

‘ఆర్టిస్టులతో పని లేకుండా కేవలం ఏఐ సాంకేతికతో ఈ సినిమాను తెరకెక్కిస్తున్నాం. ఇది ఓ వినూత్న ప్రయత్నం. 180రోజుల్లో సినిమాను విడుదల చేస్తాం. ఒకే వ్యక్తి ఓ సినిమాను క్వాలిటీతో తీయగలడని ఈ సినిమాతో నిరూపించబోతున్నాం. ఈ ప్రయత్నం వల్ల ఎంతోమంది యంగ్‌ టాలెంట్‌కు కొత్త దారి దొరుకుతుంది’ అని దర్శకుడు భరద్వాజ్‌ దాయాల తెలిపారు.

Comments (0)

User